Organizohen konferencat përmbyllëse të bashkëpunimit mes JICA dhe ASIG
Agjencia Japoneze e Bashkëpunimit Ndërkombëtar (JICA) dhe Autoriteti Shtetëror për Informacionin Gjeohapësinor(ASIG)
organizuan online, në datat 4 dhe 5 Nëntor,konferencën përmbyllëse të projektit “Informacioni gjeohapësinor për zhvillimin e qëndrueshëm të tokës në zonën Tiranë-Durrës” si dhe Konferencën Rajonale për informacionin gjeohapësinor.
Të ftuar në këto konferenca ishin ambasadori i Japonisë në Shqipëri, shkëlqesia e tij z. Takada Mitsuyuki, përfaqësues të zyrës së JICA për Ballkanin, përfaqësues të agjencive të Ballkanit që mbulojnë çështje të informacionit gjeohapësinor, përfaqësues të bashkive të përfshira në këtë projekt, agjencitë qeveritare që përdorin informacionin gjeohapësinor, si dhe përfaqësues të botës akademike dhe kompani private.
Produkti kryesor i projektit “Informacioni gjeohapësinor për zhvillimin e qëndrueshëm të tokës në zonën Tiranë-Durrës” është harta topografike digjitale, e shkallës 1:2 000, që mbulon një territor me sipërfaqe 300 km2, në trekëndëshin ekonomik Tiranë-Durrës, e cila është në përputhje me standardet e direktivës INSPIRE të BE-së, ka një përmbajtje mjaft të pasur tematike dhe saktësi të lartë pozicionale. Kjo hartë i jep ASIG, autoriteteve publike përgjegjëse për temat e gjeoinformacionit, si dhe njësive të vetëqeverisjes vendore të përfshira në zonën e projektit, një instrument shumë të rëndësishëm në punën e tyre të përditshme, dhe lehtëson proceset që lidhen me planifikimin, zhvillimin dhe monitorimin e territorit.
Produkt tjetër i rëndësishëm i këtij projekti është transferimi i teknologjisë për prodhimin e hartave digjitale, nga JICA tek ASIG, nëpërmjet vënies në dispozicion të pajisjeve dhe programeve të nevojshme si dhe trajnimeve të personelit të ASIG, lidhur me proceset dhe procedurat për krijimin e hartës dixhitale, përditësimin e saj, dhe shërbimin nëpërmjet publikimit në Gjeoportalin Kombëtar.
Agjencitë e vendeve të Ballkanit Perëndimor që morën pjesë në Konferencën Rajonale për informacionin gjeohapësinor sollën në prezantimet e tyre, arritjet e deritanishme në fushën e gjeoinformacionit, eksperiencat në bashkëpunimin me JICA-ën, planet e tyre të ardhshme për zhvillimet në fushën e informacionit gjeohapësinor, si dhe pritshmërinë e tyre për bashkëpunime të tjera të suksesshme me ekipin e JICA.
![](https://asig.gov.al/wp-content/uploads/2023/09/KonferencaJICA2-1024x681.jpg)
![](https://asig.gov.al/wp-content/uploads/2023/09/KonferencaJICA3-1024x676.png)
![](https://asig.gov.al/wp-content/uploads/2023/09/KonferencaJICA4-1024x647.png)
![](https://asig.gov.al/wp-content/uploads/2023/09/KonferencaJICA5-1024x689.png)
![](https://asig.gov.al/wp-content/uploads/2023/09/KonferencaJICA6-1024x663.png)
![](https://asig.gov.al/wp-content/uploads/2023/09/KonferencaJICA7-1024x619.png)
![](https://asig.gov.al/wp-content/uploads/2023/09/KonferencaJICA8-1024x681.jpg)
Mbledhje e Bordit të Informacionit Gjeohapësinor, datë 30.09.2021
Më 30.09.2021, u zhvillua mbledhja online e Bordit të Informacionit Gjeohapësinor, nën drejtimin e Kryetares së këtij bordi znj. Majlinda Dhuka, Drejtore e Departamentit për Zhvillim dhe Mirëqeverisje në Kryeministri.
Në këtë mbledhje u bë një paraqitje e veprimtarisë dhe arritjeve të ASIG për periudhën e kaluar si dhe u prezantuan dhe u miratuan standardet shtetërore për specifikimet teknike të informacionit gjeohapësinor në Shqipëri, për temat:
Infrastruktura për monitorimin e mjedisit;
Infrastruktura bujqësore dhe akuakultura;
Infrastruktura industriale;
Shëndeti i njerëzve dhe siguria e tij;
Zonat me përdorim të kufizuar;
Habitatet;
Zonat ekologjike;
Shpërndarja e specieve;
Kushtet atmosferike dhe Meteorologjia;
Hidrologjia.
![](https://asig.gov.al/wp-content/uploads/2023/10/imageBIG-2-1024x646.jpg)
![](https://asig.gov.al/wp-content/uploads/2023/10/imageBIG-3.png)
THIRRJA #6: PROGRAMI KOMBËTAR I PRAKTIKAVE TË PUNËS
Thirrja e gjashtë e Programit është një mundësi për të gjithë të rinjtë nga 21 deri në 26 vjeç, të cilët kanë përfunduar minimalisht ciklin e parë të studimeve “Bachelor” dhe nuk kanë qenë pjesë e programit në thirrjet e mëparshme.
Profilet e kërkuara, numrin e pranimeve si dhe aplikimin online mund ta gjeni në linkun e mëposhtëm:
NJOFTIM PËR REGJISTRIMIN E PËRDORUESVE NË SISTEMIN ALBCORS
Autoriteti Shtetëror për Informacionin Gjeohapësinor (ASIG) bazuar në nenin 7, pika b, të ligjit nr. 72/2012, datë 28.06.2012,
“Për organizimin dhe funksionimin e infrastrukturës kombëtare të të dhënave gjeohapësinore në Republikën e Shqipërisë” dhe Vendimin e Këshillit të Ministrave nr. 669, datë 7.8.2013 “Për miratimin e rregullave për përcaktimin, krijimin dhe realizimin e kornizës referuese gjeodezike shqiptare (KRGJSH), si metadatë”, I ndryshuar , administron, menaxhon, ruan dhe përpunon të dhënat e sistemit ALBCORS duke garantuar aksesin për publikun dhe subjektet e interesuara.
Në vijimtë punës për ofrimin dhe përmirësimin e shërbimeve GNSS të sistemit ALBCORS, ASIG njofton gjithë institucionet publike dhe private, individë profesionistë dhe kompani apo organizata të ndryshme se duke nisur nga muaji Mars aksesi në shërbimet GNSS do të mundësohet vetëm me regjistrimin e përdoruesve me username dhe password të dedikuar.
Çdo përdorues duhet të pajiset me kredencialet përkatëse duke plotësuar Fomularin e Aplikimit (kliko).
Formulari i aplikimit i plotësuar të dërgohet në adresën e email-it: info.albcors@asig.gov.al.
ASIG do të kthejë përgjigje në lidhje me aplikimin brenda 2 ditëve pune.
Takimi i parë i Komitetit Këshillues të Projektit GEOBIZ
Takimi i parë i GEOBIZ PAC u mbajt online, më 2 Dhjetor 2020. Në këtë takim, koordinatori i projektit, prof. Zheljko Baçiç bëri një prezantim në lidhje me projektin Erasmus + GEOBIZ, qëllimet e tij, organizimin dhe detyrat, si dhe solli një informacion të shkurtër në lidhje me rëndësinë e PAC, qëllimin, detyrat dhe organizimin e punës.
Sipas përshkrimit të projektit, çdo partner i asocuar GEOBIZ delegoi një anëtar në Komitetin Këshillues të Projektit GEOBIZ të cilët janë:
-Slobodanka Ključanin, nga Administrata Federale e Gjeodezisë dhe Çështjeve të Pronave të Patundshme të Federatës së Bosnje dhe Hercegovinës,
-Božidar Pavičević, Administrata e Pasurive të Patundshme e Malit të Zi (REA),
-Maria Ovdii, Agjencia për Marrëdhëniet me Tokën dhe Kadastrën e Republikës së Moldavisë (ALRC), ,
-Klaudio Çollaku, Autoriteti Shtetëror për Informacionin Gjeohapësinor (ASIG)
-Esat Xani, Agjencia Kadastrale e Kosovës (AKK).
Drejtuesja e PAC, për vitin e dytë të projektit është zgjedhur nga anëtarët e Komitetit, dhe ajo është Prof. Slobodanka Ključanin nga Administrata Federale e Gjeodezisë dhe Çështjeve të Pronave të Patundshme të Federatës së Bosnje dhe Hercegovinës.
Gjithashtu, koordinatori i projektit i informoi anëtarët e PAC për aktivitetet dhe detyrat e ardhshme të PAC. Dy ishin fokuset kryesore të PAC:
Vlerësimi i rezultateve të realizueshme të projektit dhe pjesëmarrja në aktivitetet e ardhshme të bashkëpunimit mes Biznesit dhe Akademisë.
Raporti i parë i vlerësimit , që u jep anëtarëve të PAC një paraqitje të katër produkteve të projektit që pritet të dorëzohen në fund të janarit 2021.
Autoriteti Shtetëror për Informacionin Gjeohapësinor nënshkruan marrëveshje bashkëpunimi me Agjencinë Kadastrale të Kosovës
Me ftesë të Autoritetit Shtetëror për Informacionin Gjeohapësinor,në ambientet e ASIG në datë, 23.10.2020,
zhvilloi vizitë një delegacion i Agjencisë Kadastrale të Kosovës, i kryesuar nga Drejtori Ekzekutiv, Z. Avni Ahmeti. Po ashtu delegacionit të Agjencisë Kadastrale të Kosovës, i’u bashkua edhe Zëvendës Ministrja e Ministrisë së Ekonomisë dhe Ambientit, të Republikës së Kosovës Znj. Burbuqe Bakija, me qëllim informimin nga afër me përvojat dhe sfidat e institucioneve përgjegjëse për Infrastrukturën e Informacionit Gjeohapësinor në Shqipëri dhe Kosovë. Në takim drejtuesit e ASIG prezantuan aktivitetet, projektet dhe sfidat e institucionit në ndërtimin e NSDI-së dhe u evidentuan mundësitë e bashkëpunimit mes ASIG dhe AAK, në sfidat e përbashkëta të fushës së gjeoinformacionit. Takimi u finalizua me nënshkrimin e dy marrëveshjeve të bashkëpunimit: -Marrëveshje Bashkëpunimi në fushën e Infrastrukturës së Informacionit Gjeohapësinor duke specifikuar fushat ku do të mund të thellohet bashkëpunimi mes institucioneve, si standardet e gjeoinformacionit, shkëmbimi i përvojave në fushat profesionale, harmonizimi i të dhënave gjeohapësinore dhe shkëmbimi i tyre. -Marrëveshje Bashkëpunimi për shkëmbimin e të dhënave nga rrjetet gjeodezikë ALBCORS dhe KOPOS për shfrytëzimin e pikave të Rrjetit Shtetëror Aktiv të Pozicionimit Global të Republikës së Shqipërisë (ALBCORS), nga Republika e Kosovës dhe shfrytëzimin e pikave të rrjetit permanent të Republikës së Kosovës (KOPOS) nga Republika e Shqipërisë. Nëpërmjet këtij bashkëpunimi do të mundësohet mbulimi me sinjal për aktivitete gjeodezike që kryhen në zonat e brezit kufitar mes dy shteteve.
![](https://asig.gov.al/wp-content/uploads/2023/09/kosove2-1024x681.jpg)
![](https://asig.gov.al/wp-content/uploads/2023/09/kosove3-1024x681.jpg)
![](https://asig.gov.al/wp-content/uploads/2023/09/kosove4-1024x681.jpg)
Mbledhje e Bordit të Informacionit Gjeohapësinor datë 15.09.2020
Nën drejtimin e Znj. Majlinda Dhuka, Drejtore e Departamentit të Zhvillimit Mirëqeverisjes në Kryeministri, Kryetare e Bordit të Informacionit Gjeohapësinor , në datën 15.09.2020, u zhvillua mbledhja online e Bordit të Informacionit Gjeohapësinor –BIG. Në këtë mbledhje ASIG prezantoi aktivitetet e planifikuara për 6- mujorin e dytë të vitit 2020, si dhe dokumente të rëndësishme që lidhen me Infrastrukturën Kombëtare të Informacionit Gjeohapësinor në Shqipëri, që mundësojnë ndërveprueshmërinë dhe standardizimin e informacionit gjeohapësinor. U prezantuan dhe u miratuan standardet e gjeoinformacionit si më poshtë :
– “Standardet shtetërore për specifikimet teknike të informacionit gjeohapësinor në Shqipëri – tema “Demografia”
-“Standardet shtetërore për specifikimet teknike të informacionit gjeohapësinor në Shqipëri – tema “Njësitë statistikore”
-“Standardet shtetërore për specifikimet teknike të informacionit gjeohapësinor në Shqipëri – tema “Detet”
-“Standardet shtetërore për specifikimet teknike të informacionit gjeohapësinor në Shqipëri – tema “Burimet minerale”
-“Standardet shtetërore për specifikimet teknike të informacionit gjeohapësinor në Shqipëri – tema “Burimet energjitike”
-“Standardet shtetërore për specifikimet teknike të informacionit gjeohapësinor në Shqipëri – tema “Infrastruktura urbane dhe shërbimet qeveritare””
-“Standardet shtetërore për specifikimet teknike të informacionit gjeohapësinor në Shqipëri – tema “Pedologjia”
-“Standardet shtetërore për specifikimet teknike të informacionit gjeohapësinor në Shqipëri – tema “Imazhi i hartës bazë”
Nga anëtarët e BIG u vlerësua puna e ASIG dhe bashkëpunimi i suksesshëm me autoritetet publike përgjegjëse.
![](https://asig.gov.al/wp-content/uploads/2023/10/rsz_dsc_0457-1024x681.jpg)
![](https://asig.gov.al/wp-content/uploads/2023/10/rsz_dsc_0461-1024x681.jpg)
![](https://asig.gov.al/wp-content/uploads/2023/10/rsz_dsc_0463-1024x681.jpg)
Mbledhje e Bordit të Informacionit Gjeohapësinor – BIG datë 08.06.2020
Nën drejtimin e Znj. Majlinda Dhuka, Drejtore e Departamentit të Zhvillimit Mirëqeverisjes në Kryeministri, Kryetare e Bordit të Informacionit Gjeohapësinor, në datën 08.06.2020, u zhvillua mbledhja online e Bordit të Informacionit Gjeohapësinor –BIG. Në këtë mbledhje ASIG prezantoi dokumente të rëndësishme që lidhen me Infrastrukturën Kombëtare të Informacionit Gjeohapësinor në Shqipëri, që mundësojnë ndërveprueshmërinë dhe standardizimin e informacionit gjeohapësinor.
U prezantuan dhe u miratuan standardet e gjeoinformacionit si më poshtë:
– “Standardet shtetërore për specifikimet teknike të informacionit gjeohapësinor në Shqipëri – tema “Përcaktimi i Kornizës referuese gjeodezike dhe kontrolli gjeodezik”
– “Standardet shtetërore për specifikimet teknike të informacionit gjeohapësinor në Shqipëri – tema “Sistemi i rrjeteve gjeografike”
– “Standardet shtetërore për specifikimet teknike të informacionit gjeohapësinor në Shqipëri – tema “Zonat e mbrojtura”
– “Standardet shtetërore për specifikimet teknike të informacionit gjeohapësinor në Shqipëri – tema “Mbulesa e tokës”
– “Standardet shtetërore për specifikimet teknike të informacionit gjeohapësinor në Shqipëri – tema “Përdorimi i tokës”
– “Standardet shtetërore për specifikimet teknike të informacionit gjeohapësinor në Shqipëri – tema “Zonat me rreziqe natyrore”
Gjithashtu nga përfaqësues të projektit që bashkëpunon me MZHBR u prezantua projekti GIS i AZHBR-së i cili u miratua në parim.
![](https://asig.gov.al/wp-content/uploads/2023/10/2_big_online-1024x576.jpg)
![](https://asig.gov.al/wp-content/uploads/2023/10/3_big_online-1024x576.jpg)