Pjesëmarrje në Forumin e Dytë Interaktiv të Inovatorëve për Thatësirën BRIGAID/AKPT
Më 20 Dhjetor 2018, në Hotel Plaza, Tiranë, u mbajt Forumi i Dytë Interaktiv i Inovatorëve për Thatësirën, organizuar nga programi “BRIGAID” në bashkëpunim me Agjencinë Kombëtare të Planifikimit të Territorit (AKPT).
Në këtë Forum morën pjesë edhe specalistë të Autoritetit Shtetëror për Informacionin Gjeohapësinor (ASIG) nga sektori i Standardeve të Gjeoinformacionit. Disa nga çështjet kryesore të cilat u trajtuan në këtë forum ishin:
• Përshkrimi i përgjithshëm mbi sfidat e deritanishme dhe pritshmëritë e projektit “BRIGAID”.
• Prezantimi i katër risive inovatore me temë:
a- “Stacione meteorologjike me kosto të ulët”
b- “Blloqe betoni të polemerizuara”
c- “QoAir-Sistemi teknologjik për menaxhimin e valës së të nxehtit në zonat urbane”
d- “Tapete kundra zjarrit dhe erozionit”
Takim Bashkëpunues i Aktorëve Kombëtarë në Kuadër të Nismës Rajonale, GEO-CRADLE
Në kuadër të projektit GEO-CRADLE, i financuar nga Programi HORIZON 2020 i Bashkimit Evropian, Instituti për Ruajtjen e Natyrës (INCA) në Shqipëri, në bashkëpunim me Autoritetin Shtetëror për Informacionin Gjeohapësinor (ASIG), organizuan më 19.12.2018, takimin me aktorët kombëtarë institucionalë, për angazhimin e tyre në nismat rajonale për vëzhgimin dhe monitorimin e Tokës.
Qëllimi i këtij takimi ishte prezantimi i arritjeve të kësaj nisme rajonale që koordinohet nga Observatori Kombëtar i Athinës (NOA), duke synuar mundësinë e përdorimit të rrjetit kombëtar të aktorëve kryesorë që kanë në praktikën e tyre përdorimin e të dhënave gjeohapësinore , si dhe aplikimin e modeleve statistikore për vrojtimin dhe monitorimin e Tokës.
Pjesë e kësaj nisme është edhe nominimi i ASIG si pikë fokale e programit GEO për Shqipërinë, për të krijuar mundësinë e informimit, aksesit dhe bashkëpunimit përmes këtij programi me bashkëpunëtorë në rajonin e Ballkanit, Evropës dhe më gjerë.
Drejtori i ASIG z. Lorenc Çala, në fjalën e tij përshëndetëse theksoi hapat e ndërmarrë për ndërtimin e Infrastrukturës Kombëtare të Informacionit Gjeohapësinore dhe nevojën e bashkëpunimit me nisma kombëtare, rajonale dhe evropiane në fushën e gjeoinformacionit.
Drejrori i drejtorisë së GIS-it Kombëtar dhe Gjeoportalit pranë ASIG, z. Klaudio Çollaku në këtë takim mbajti një prezantim ku evidentoi përgjegjësitë dhe arritjet e këtij autoriteti, si dhe arsyen pse ASIG mund të shërbejë si pikë fokale e programit GEO për Shqipërinë.
![](https://asig.gov.al/wp-content/uploads/2023/10/GEO-CRADLE2_opt.jpg)
![](https://asig.gov.al/wp-content/uploads/2023/10/GEO-CRADLE3_opt.jpg)
![](https://asig.gov.al/wp-content/uploads/2023/10/GEO-CRADLE4_opt.jpg)
Seminar mbi sigurinë kibernetike kombëtare
Në seminarin me temë: “Siguria kibernetike kombëtare, Korniza&Veprimtaritë CERT/CSIRT” organizuar nga Autoriteti Kombëtar për Certifikimin Elektronik dhe Sigurinë Kibernetike (AKCESK) në bashkëpunim me KISA( Korea Internet&Security Agency), ishin të pranishëm edhe specialistë të Autoritetit Shtetëror për Informacionin Gjeohapësinor (ASIG), nga sektori i Gjeoportalit Kombëtar.
Disa nga çështjet kyesore të cilat u trajtuan në këtë seminar ishin:
1. Problemet e Sigurisë së informacionit në botën e teknologjisë dixhitale.
2. Efektet dhe dëmet kolosale në vlera monetare që vijnë si pasojë e sulmeve kibernetike.
3. Llojet dhe kategoritë e rreziqeve që hasen më së shumti në internet.
4. Siguria që ofron KISA me produktet e veta në mbrotje të përdoruesve.
5. Eksperienca e ofruar nga ekspertët e KISA për të eleminuar rreziqet që vijën nga sulmet kibernetike.
![](https://asig.gov.al/wp-content/uploads/2023/10/kisa2.jpg)
Takimi i Komitetit Drejtues të Projektit “IPA DRAM”
Z. Dritan Prifti, Përgjegjës i Sektorit Remote Sensing, në ASIG, mori pjesë në takimin e Komitetit Drejtues të Projektit ‘IPA DRAM’(Disaster Risk Assesment and Mapping)”, i mbajtur më 15 Nëntor 2018 në Lubjanë, Slloveni. Në këtë aktivitet merrnin pjesë drejtues të agjencive për mbrojtjen civile, institucione të menaxhimit të riskut dhe fatkeqësive, si dhe përfaqësuesve nga institucione që kanë një rol kyç në implementimin e këtij projekti .
Qëllimi i projektit është krijimi i sistemeve kombëtare efektive, koherente dhe të orientuara drejt BE-së, për grumbullimin e të dhënave, për humbjet në raste fatkeqësish natyrore, vlerësimi dhe hartëzimi i riskut si dhe shtrirjen dhe integrimin në mekanizmin e mbrojtjes civile të Unionit Evropian.
Në këtë takim përfaqësuesi i ASIG informoi të pranishmit mbi arritjet kryesore të institucionit, në rolin e tij koordinues për ndërtimin infrastrukturës së informacionit gjeohapësinor në Shqipëri, si dhe shërbimet që ofrohen përmes Gjeoportalit Kombëtar, në të cilin publikohet i gjithë informacioni gjeohapësinor i prodhuar nga institucionet publike.
Aksesimi i këtyre të dhënave është shumë i rëndësishëm për krijimin e hartës së riskut dhe të Atlasit Elektronik Rajonal të Riskut (ERRA), i cili është një nga produktet kryesore të këtij projekti.
Vizitë pranë Ambienteve të Institutit Gjeografik Ushtarak të Firences
Përfaqësues të Autoritetit Shtetëror për Informacionin Gjeohapësinor ( ASIG), vizituan ambientet e Institutit Gjeografik Ushtarak të Firences, ku u njohën me historinë e këtij institucioni, që nga momenti i krijimit, materialet që disponon, si dhe teknikat e punës së tij. Qëllimi i vizitës ishte interesi i ASIG, për t’u njohur dhe për të mundësuar marrjen e materialeve hartografike dhe fotografive ajrore për Republikën e Shqipërisë, të krijuara në vite, duke filluar nga viti 1928. Pasi të na vihen në dispozicion, këto materiale, do të publikohen në Gjeoportalin Kombëtar dhe do të jenë në funksion të institucioneve dhe publikut.
Vlen të theksohet se Instituti Gjeografik Ushtarak Italian (IMGI) është zyra mbështetëse gjeografike e ushtrisë italiane.
Ky institut është gjithashtu Autoritet Kombëtar Hartografik dhe për këtë arsye hartografia e prodhuar prej tij është e cilësisë së lartë, përdoret nga entitetet publike dhe private dhe konsiderohet hartografi zyrtare shtetërore.
Instituti Gjeografik Ushtarak i Firences disponon edhe një muze me koleksione të instrumenteve të përdorura për kryerjen e punimeve të astronomisë, gjeodezisë, topografisë, fotogrametrisë dhe llogaritjes.
![](https://asig.gov.al/wp-content/uploads/2023/09/firenze1_opt-Copy.jpg)
![](https://asig.gov.al/wp-content/uploads/2023/09/firenze2_opt-Copy.jpg)
![](https://asig.gov.al/wp-content/uploads/2023/09/firenze3_opt.jpg)
Workshop mbi përdorimin e programeve fotogrametrike Summit Evolution, Match-AT, Ortho Vista dhe Microstation
Në workshop-in e organizuar në ambietet e Autoritetit Shtetëror për Informacionin Gjeohapësinor,
në datat 28.10-01.11.2018, nën asistencën e një specialisti të Autoritetit Norvegjez të Hartografisë dhe Kadastrës (Statens Kartverk), morën pjesë përfaqësues të Sektorit Remote Sensing në ASIG.
Ky trajnim kishte në fokus përdorimin e programeve fotogrametrike “Summit Evolution”, “Match-AT”, “Ortho Vista” dhe “Microstation”.
Programi i trajnimit ofroi njohuri bazë mbi programet fotogrametrike, funksionalitetet e tyre, vënien në eficencë si dhe dhe krijimi i një projekti me fotografi ajrore të vitit 1994.
Projekti i krijuar kishte synim krijimin e Ortofoto e vitit 1994, për një zonë pilot, me fotografi historike të qytetit të Tiranës, të marra nga fluturimi ajor i vitit 1994.
Pas përfundimit të projektit pilot, me asistencën e specialistëve norvegjezë të Statens Kartverk po punohet për ngritjen e Ortofotos së vitit 1994 për të gjithë Republikën e Shqipërisë.
Twitter
Trajnim në kuadër të projektit me temë: ”Informacioni Gjeohapësinor, për një zhvillim të qëndrueshëm të tokës në zonën Tiranë – Durrës”
Specialistë të Autoritetit Shtetëror për Informacionin Gjeohapësinor, nga sektorët e Remote
Sensing, Hartografisë dhe Standardeve të Gjeoinformacionit morën pjesë në një trajnim dy javor, në kuadër të projektit me Agjencinë Japoneze për Bashkëpunim Ndërkombëtar JICA, në datat 13-27.10.2018, në Tokio, Japoni.
Zhvillimi i trajnimit, në një institucion dhe kompani private me detyra dhe përgjegjësi të ngjashme me ato të ASIG, ofroi mundësinë e shkëmbimit të eksperiencës jo vetëm në anën tekniko-profesionale por edhe në atë organizative dhe menaxheriale, duke parë dhe studiuar mënyrën se si planifikohen dhe realizohen proceset e punës, nga sektorët përkatës që operojnë në fushën e Fotogrametrisë dhe Remote Sensing.
Programi i trajnimit ofroi njohuritë bazë dhe shkëmbim eksperience, në fushën e fotogrametrisë dhe teknologjisë Remote Sensing, si dhe metodat më bashkohore që janë në përdorim në Japoni, mënyrën e menaxhimit, krijimit, përditësimit dhe të mirëmbajtjes së informacionit hartografik, sipas trendeve të fundit.
Njohuritë dhe eksperienca e fituar nga ky trajnim, ndihmojnë shumë në përmirësimin e metodikës së punës, zgjidhjen e disa problemeve që lidhen me mungesën e eksperiencës në fushën e fotogrametrisë, si dhe ofrojnë një bazë të mirë mbështetëse për krijimin, mirëmbajtjen dhe përditësimin e hartës bazë.
![](https://asig.gov.al/wp-content/uploads/2023/10/japoni2_opt.jpg)
![](https://asig.gov.al/wp-content/uploads/2023/10/japoni3_opt.jpg)
Workshop mbi përdorimin e programeve FME (feature manipulation engine) për harmonizimin dhe implementimin e të dhënave gjeohapësinore konform standardeve të gjeoinformacionit
Përfaqësuesit e Autoritetit Shtetëror për Informacionin Gjeohapësinor z.Mikel Millja, zj.Denisa Kukaj nga Sektori i Standardeve të Gjeoinformacionit dhe z.Erin Mlloja, Sektori i GIS-it Kombëtar morën pjesë në Workshop-in mbi Përdorimin e programeve FME (Feature Manipulation Engine) për harmonizimin dhe implementimin e të dhënave gjeohapësinore konform standardeve të gjeoinformacionit i mbajtur në datat 01-04 Tetor 2018, në Zagreb, Kroaci.
Ky trajnim kishte për qëllim përfitimin e aftësive në përdorimin e programit FME, mbi harmonizimin dhe implementimin e të dhënave gjeohapësinore konform direktivës INSPIRE. Disa nga çështjet më të rëndësishme në të cilat u fokusua ky trajnim ishin:
• Njohuri themelore në përdorimin e programit FME (krijim, përpunim dhe modelim të proceseve të punës)
• Interpretimi i modelimit konceptual të të dhënave (UML-Language) të INSPIRE sipas programit FME (elementë të përgjithshëm).
• Harmonizimi i informacionit ekzistues gjeohapësinor sipas specifikimit të të dhënave për temat e gjeoinformacionit.
![](https://asig.gov.al/wp-content/uploads/2023/10/workshopFME.jpg)
Pjesëmarrje në Asamblenë e Përgjithshme të Eurogeographics
Drejtuesit e Autoritetit Shtetëror për Informacionin Gjeohapësinor, z.Lorenc Çala Drejtor i Përgjithshëm , z.Kristaq Qirko Drejtor i Drejtorisë së Gjeodezisë dhe Hartografisë, z.Klaudio Çollaku Drejtor i Drejtorisë së GIS-it Kombëtar dhe Gjeoportalit, morën pjesë në Asamblenë e Përgjithshme të Eurogeographics, e mbajtur në datat 07-10.10.2018, në Pragë, Çeki.
Çështjet kryesore që u trajtuan në këtë asamble ishin:
• Besueshmëria e të dhënave gjeohapësinore, nëpërmjet të cilave realizohen vendimmarrje që prekin ndjeshëm jetën e shoqërisë tonë, në një kohë kur flasim për “big data” dhe evolim të shpejtë të teknologjisë dhe internetit.
• Të dhënat autoritative dhe rëndësia e tyre.
• Roli NMCA-së (National Mapping and Cadastral Agencies) si faktorë të rëndësishëm në trajtimin e çështjeve të gjeoinformacionit, në të tashmen dhe të ardhmen, në dobi të së mirës publike.
![](https://asig.gov.al/wp-content/uploads/2023/10/Eurogeo2.jpg)
![](https://asig.gov.al/wp-content/uploads/2023/10/Eurogeo3.jpg)
![](https://asig.gov.al/wp-content/uploads/2023/10/Eurogeo4.jpg)
![](https://asig.gov.al/images/Eurogeo4.jpg)