Shqip
English
ASIG sjell fotografimin 360° të Unazës së Madhe të Tiranës
Me qëllim krijimin e fotografive panoramike të gjeoreferencuara të akseve rrugore kombëtare me teknologjinë e avancuar me kamera Street View 360°, dhe përditësimin e tyre të vazhdueshëm, ASIG ka realizuar fotografimin dhe publikimin në Gjeoportalin Kombëtar të Unazës së madhe të Tiranës.
Në kuadër të saktësimit dhe përditësimit të informacionit, ky produkt është publikuar dhe në platformën digjitale Google Maps.
Gjatësia e aksit të fotografuar është 29 km.
Janë publikuar 4858 fotografi Street View 360° për këtë aks.
Ky projekt ofron:
- Fotografi të gjeoreferencuara dhe të përditësuara;
- Informacion të detajuar për infrastrukturën rrugore;
- Një perspektivë moderne dhe gjithëpërfshirëse të qytetit;
- Mbështetje për planifikimin urban dhe projektet inxhinierike;
- Një mjet të dobishëm për turizëm dhe eksplorim virtual;
- Qasje të lehtë për qytetarët, institucionet dhe bizneset.
Momente festive me fëmijët e stafit të ASIG
Ndërsa festojmë këtë periudhë të mrekullueshme të fund vitit, ndamë disa momente hareje dhe gëzimi me ata që sjellin më shumë se kushdo lumturi dhe bekime në jetët tona, fëmijët tanë.
Me urimin që të rriten sa më të shëndetshëm, të lumtur, gjithmonë kurioz, të sjellshëm dhe të guximshëm, shpresojmë ta shijojnë çdo moment me familjet dhe të kenë veç ditë të qeshura e të gëzuara.
Ju urojmë të gjithëve për shumë vjet gëzuar.
Mbledhje online e Bordit të Informacionit Gjeohapësinor BIG
U zhvillua sot më 20.12.2024, online, mbledhja e Bordit të Informacionit Gjeohapësinor BIG nën drejtimin e kryetarit të këtij bordi z. Ermal Nufi, Drejtor i Kabinetit të Zëvendëskryeministrit.
Në takim ishin të pranishëm të gjithë anëtarët e BIG.
Drejtori i Përgjithshëm i ASIG znj. Vilma Tomço i njohu anëtarët e bordit me ndryshimet më të fundit ligjore që rregullojnë veprimtarinë e ASIG, arritjet e këtij institucioni gjatë vitit 2024, problematikat e hasura si dhe projektet e që ASIG ka planifikuar të zhvillojë gjatë vitit 2025.
Kryetari i bordit z. Ermal Nufi falënderoi stafin e ASIG për punën e bërë dhe dha rekomandimet e tij veçanërisht për sa i përket përdorimit nga institucionet publike të produkteve të shërbimit satelitor. Gjithashtu ai kërkoi nga drejtoritë teknike të ASIG përgatitjen e një raporti të detajuar për këtë qëllim.
