Imazheria Satelitore dhe Aplikimet e Saj për Përmirësimin e të Dhënave Gjeohapësinore Kombëtare
Më poshtë mund të shfletoni katalogun Imazheria Satelitore dhe Aplikimet e Saj për Përmrësimin e të Dhënave Gjeohapësinore Kombëtare:
ASIG merr pjesë në Konferencën e II-të ndërkombëtare për mbrojtjen e mjedisit të ujit dhe zhvillimin e qëndrueshëm
Në Konferencën e II-të ndërkombëtare për mbrojtjen e mjedisit të ujit dhe zhvillimin e qëndrueshëm-WEPSD, e cila u mbajt në ambientet e Akademisë së Shkencave të Shqipërisë, më 22-23 shtator 2023, në Tiranë, morën pjesë Drejtori i Përgjithshëm i ASIG znj. Vilma Tomço dhe Drejtori i Drejtorisë së Përpunimit të Informacionit të Territorit me Teknologji të Avancuar, z. Dritani Prifti.
Drejtuesit e ASIG i njohën pjesëmarrësit me detyrat, funksionet dhe rolin që ASIG ka në ndërtimin e NSDI në Shqipëri si dhe me projektet e reja me fokus në teknologjinë e avancuar që ASIG po zhvillon. Gjithashtu në prezantimet e tyre ata sollën shembuj konkretë të produkteve të përftuara nga imazhet satelitore, përdorimin e tyre për analiza të cilësisë së ujit, erozionit, ndryshimeve klimatike, si dhe mundësitë që këto produkte ofrojnë në fushën e kërkimit dhe studimeve të ndryshme për botën akademike.
Pjesëmarrës në këtë konferencë ishin lektorë dhe grupe autorësh nga Shqipëria, Greqia, Italia, Gjermania, Bosnja-Hercegovina, Serbia, Slovenia, Kroatia, Izraeli, Turqia, Çekia, Franca, Maqedonia e Veriut, Bullgaria, Austria, Zvicra e të tjerë.
![](https://asig.gov.al/wp-content/uploads/2023/10/Konferenca_II_nderkombetare_2-1024x681.jpg)
![](https://asig.gov.al/wp-content/uploads/2023/10/Konferenca_II_nderkombetare_3-1024x681.jpg)
![](https://asig.gov.al/wp-content/uploads/2023/10/Konferenca_II_nderkombetare_4-1024x681.jpg)
![](https://asig.gov.al/wp-content/uploads/2023/10/Konferenca_II_nderkombetare_5-1024x771.jpg)
![](https://asig.gov.al/wp-content/uploads/2023/10/Konferenca_II_nderkombetare_6-1024x771.jpg)
Publikohet informacioni gjeohapësinor për temën “Zonat me Rreziqe Natyrore”
Autoriteti Shtetëror për Informacionin Gjeohapësinor (ASIG) në bashkëpunim me Agjencinë e Menaxhimit të Burimeve Ujore (AMBU) ka publikuar në Gjeoportalin Kombëtar për temën “Zonat me rreziqe natyrore”, informacionin gjeohapësinor për Hartat e rrezikut nga përmbytjet për 6 basenet kryesore.
Informacioni gjeohapësinor për këto shtresa është në përputhje me Direktivën e BE -së për përmbytjet, e cila paraqet një hartë rreziku për zonën si edhe për periudhën specifike të kohës së kthimit, thellësinë dhe shpejtësinë.
Të dhënat janë konform standardit të miratuar me VKM-në nr. 810, datë 21.10.2020, Për miratimin e dokumentit “Standardet Shtetërore për Specifikimet Teknike të Informacionit Gjeohapësinor në Shqipëri – Tema: “Zonat me Rreziqe Natyrore””.
![](https://asig.gov.al/wp-content/uploads/2023/09/Rreziqe-Natyrore2-1024x499.png)
![](https://asig.gov.al/wp-content/uploads/2023/09/Rreziqe-Natyrore3-1024x499.png)
Mbledhje e Bordit të Informacionit Gjeohapësinor, datë 22.06.2023
Më 22.06.2023 u zhvillua në ambientet e Kryeministrisë mbledhja e Bordit të Informacionit Gjeohapësinor (BIG), nën drejtimin e Kryetarit të këtij bordi z. Ermal Nufi, Drejtor i Kabinetit të Zëvendës Kryeministrit.
Në këtë mbledhje ishin të pranishëm të gjithë anëtarët e BIG.
Z. Nufi në fjalën e tij hapëse falënderoi të pranishmit për prezencën e tyre dhe theksoi rëndësinë që ka ky bord në zhvillimin e Infrastrukturës së Informacionit Gjeohapësinor si dhe prioritetin dhe vëmendjen e veçantë që Qeveria Shqiptare i ka dhënë ndjekjes së projektit mbi Shërbimet Satelitore dhe përfitimet që pritet të kenë institucionet nga ky projekt.
Drejtori i përgjithshëm i ASIG, znj. Vilma Tomço i njohu të pranishmit me strukturën e re të ASIG, ecurinë e deri tanishme të projektit “Monitorimi i territorit me teknologji të avancuar” dhe hapat e hedhur nga ASIG për krijimin e Infrastrukturës Kombëtare të Informacionit Gjeohapësinor (NSDI).
Përgjegjësi i sektorit të GIS-it Kombëtar z. Erin Mlloja në prezantimin e tij paraqiti modulet që do të ketë në përbërje GIS-i Kombëtar si dhe të dhënat gjeohapësinore, sistemet tematike dhe shërbimet që do të bëjnë të mundur ofrimin e informacionit për përdoruesit.
Pas këtij prezantimi anëtarët e BIG shprehën aprovimin e tyre për miratimin e dokumentit Standardet Shtetërore të GIS-it Kombëtar.
![](https://asig.gov.al/wp-content/uploads/2014/09/mbledhjeBIG2023_1-1024x681.jpg)
![](https://asig.gov.al/wp-content/uploads/2014/09/mbledhjeBIG2023_4-1024x681.jpg)
![](https://asig.gov.al/wp-content/uploads/2014/09/mbledhjeBIG2023_3-1024x681.jpg)
ASIG merr pjesë në Takimin Bilateral të Kapitullit 27 mbi Mjedisin dhe ndryshimet klimatike
Autoriteti Shtetëror për Informacionin Gjeohapësinor(ASIG) i përfaqësuar nga Z. Klaudio Çollaku, Drejtor i Drejtorisë së GIS-it Kombëtar dhe Gjeoportalit dhe Ivis Noçka, Drejtore e Drejtorisë së Kërkimit, Zhvillimit dhe Inovacionit, mori pjesë në Takimin Bilateral të Kapitullit 27, mbi Mjedisin dhe ndryshimet klimatike, i cili po zhvillohet në Bruksel në datat 19-23 qershor 2023.
Direktiva INSPIRE, 2007/2/EC e përafruar nga ligji nr. 72/2012, “Për Organizimin dhe Funksionimin e Infrastrukturës Kombëtare të Informacionit Gjeohapësinor në Republikën e Shqipërisë”, është pjesë e nën kapitullit Legjislacioni Horizontal, të Kapitullit 27. Z. Çollaku prezantoi në këtë takim hapat e ndërmarrë për përafrimin e legjislacionit dhe implementimin e Direktivës INSPIRE në Shqipëri.
Ai bëri një paraqitje të detajuar të gjithë ecurisë së këtij procesi duke filluar me standardet e gjeoinformacionit të miratuara me Vendim të Këshillit të Ministrave, për 31nga 35 temat e nenit 11, të ligjit nr.72/2012, punën e bërë për implementimin e këtyre standardeve, bashkëpunimin dhe suportin për autoritet publike përgjegjëse për gjeoinformacionin si dhe rolin e rëndësishëm që kanë pasur bashkëpunëtoret ndërkombëtar të ASIG në mbarëvajtjen e këtij procesi. Z. Çollaku gjithashtu prezantoi shërbimet që ofrohen në Gjeoportalin Kombëtar të ASIG, informacionin gjeohapësinor që mundësohet në këtë gjeoportal si dhe numrin gjithnjë e në rritje të përdoruesve të tij.
Në mbyllje të prezantimit u paraqitën planet dhe objektivat që ASIG ka në të ardhmen për zhvillimin e Infrastrukturës së Informacionit Gjeohapësinor.
![](https://asig.gov.al/wp-content/uploads/2023/09/Takimi_Bilateral2-1024x721.png)
![](https://asig.gov.al/wp-content/uploads/2023/09/Takimi_Bilateral3.jpg)
Vijojnë takimet mbi ecurinë e implementimit të projektit “Monitorimi i territorit me teknologji të avancuar”
Vijojnë takimet e organizuara nga Drejtoria e Përpunimit të Informacionit të Territorit me Teknologji të Avancuar pranë Autoritetit Shtetëror për Informacionin Gjeohapësinor, me qëllim implementimin e suksesshëm të projektit “Monitorimi i territorit me teknologji të avancuar” si dhe përfshirjen dhe rritjen e kapaciteteve teknike të autoriteteve publike përgjegjëse, përfituese të këtij projekti.
Gjatë kësaj jave kjo drejtori zhvilloi takime me institucionet si më poshtë:
- Kryeministria;
- Agjencia e Menaxhimit të Burimeve Ujore;
- Ministria e Bujqësisë dhe e Zhvillimit Rural;
- Ministria e Brendshme;
- Drejtoria e Përgjithshme e Policisë së Shtetit;
- Drejtoria e Përgjithshme e Mbrojtjes nga Zjarri dhe Shpëtimin;
- Drejtoria e Përgjithshme e Gjendjes Civile;
- Inspektoriati Kombëtar i Mbrojtjes së Territorit.
![](https://asig.gov.al/wp-content/uploads/2023/09/takimet_e_zhvilluara_me_drejtorine_e_sateliteve2-1024x681.jpg)
![](https://asig.gov.al/wp-content/uploads/2023/09/takimet_e_zhvilluara_me_drejtorine_e_sateliteve3-1024x681.jpg)
![](https://asig.gov.al/wp-content/uploads/2023/09/takimet_e_zhvilluara_me_drejtorine_e_sateliteve4-1024x768.jpg)
![](https://asig.gov.al/wp-content/uploads/2023/09/takimet_e_zhvilluara_me_drejtorine_e_sateliteve5-1024x768.jpg)
![](https://asig.gov.al/wp-content/uploads/2023/09/takimet_e_zhvilluara_me_drejtorine_e_sateliteve6-1024x768.jpg)
ASIG merr pjesë në konferencën e Rrjetit Panevropian të Arsimit dhe Kërkimit, TNC23
Autoriteti Shtetëror për Informacionin Gjeohapësinor mori pjesë në një nga aktivitetet e organizuara në kuadër të konferencës 5-ditore të Rrjetit Panevropian të Arsimit dhe Kërkimit, TNC23, ku këtë vit ishin pjesëmarrës rreth 730 përfaqësues nga 58 shtete të ndryshme të botës.
Ky aktivitet u organizua më 9 qershor, në ambientet e Universitetit Politeknik të Tiranës nga Rrjeti Akademik Shqiptar i cili ishte edhe mikpritësi i TNC23, një nga rrjetet më të mëdhenj dhe më të rëndësishëm në fushën teknologjisë së informacionit.
Fokusi i këtij aktiviteti ishte përdorimi i platformave të ndryshme digjitale në Shqipëri.
Drejtori i drejtorisë së GIS-it Kombëtar dhe Gjeoportalit z. Klaudio Çollaku, i njohu të pranishmit me funksionalitet e Gjeoportalit Kombëtar të ASIG dhe lehtësirat që krijojnë shërbimet që ofron kjo platformë për të gjithë përdoruesit e gjeoinformacionit.
![](https://asig.gov.al/wp-content/uploads/2023/09/Konferenca_e_Rrjetit_Panevropian1-1-1024x681.jpg)
![](https://asig.gov.al/wp-content/uploads/2023/09/Konferenca_e_Rrjetit_Panevropian2-1-1-1024x681.jpg)
![](https://asig.gov.al/wp-content/uploads/2023/09/Konferenca_e_Rrjetit_Panevropian3-1-1024x681.jpg)
![](https://asig.gov.al/wp-content/uploads/2023/09/Konferenca_e_Rrjetit_Panevropian4-1-1024x681.jpg)
Ecuria e implementimit të projektit “Monitorimi i territorit me teknologji të avancuar”
Drejtoria e Përpunimit të Informacionit të Territorit me Teknologji të Avancuar pranë Autoritetit Shtetëror për Informacionin Gjeohapësinor, me qëllim implementimin e suksesshëm të projektit “Monitorimi i territorit me teknologji të avancuar” si dhe në kuadër të nismës për përfshirjen dhe rritjen e kapaciteteve teknike të autoriteteve publike përgjegjëse përfituese të projektit, zhvilloi në ambientet e sallës Europa, më 08.06.2023 një takim me autoritetet publike në lidhje me ecurinë e implementimit të këtij projekti.
Të pranishëm në këtë takim ishin përfaqësues të institucioneve të cilat kanë shprehur interes për projektin e shërbimit satelitor, si më poshtë:
- Agjencia e Inteligjencës dhe Sigurisë së Mbrojtjes ;
- Agjencia Kombëtare e Mbrojtjes Civile;
- Agjencia Kombëtare e Mjedisit;
- Agjencia Kombëtare e Zonave të Mbrojtura;
- Agjencia Shtetërore e Kadastrës;
Grupi i punës i kryesuar nga Drejtori i Drejtorisë së Përpunimit të Informacionit të Territorit me Teknologji të Avancuar z. Dritan Prifti i njohu të pranishmit me:
- Ecurinë e implementimit të projektit “Monitorimi i territorit me teknologji të avancuar”.
- Analizimin e avancuar të imazheve me anë të inteligjencës artificiale;
- Përdorimin e imazheve satelitore për çështje të veçanta.
- Vizualizimin e të dhënave nga autoritetet publike përgjegjëse.
Gjatë këtij takimi pati diskutime interaktive mbi gjendjen aktuale të infrastrukturës teknike të institucioneve të interesuara mbi projektin e shërbimit satelitor.
![](https://asig.gov.al/wp-content/uploads/2023/09/imgonline-com-ua-resize-dwiT0I3HkgQrj-1024x681.jpg)
![](https://asig.gov.al/wp-content/uploads/2023/09/imgonline-com-ua-resize-1aq3gh0oJ9jWf-1024x681.jpg)
![](https://asig.gov.al/wp-content/uploads/2023/09/imgonline-com-ua-resize-Y1efcYrE93mie-1024x681.jpg)
![](https://asig.gov.al/wp-content/uploads/2023/09/imgonline-com-ua-resize-o8B9g17ydDhoV-1024x681.jpg)
![](https://asig.gov.al/wp-content/uploads/2023/09/imgonline-com-ua-resize-oBZ5nG7SnK2Yl-1024x681.jpg)
![](https://asig.gov.al/wp-content/uploads/2023/09/imgonline-com-ua-resize-jVEI045ZEDB8Suwn-1-1024x681.jpg)
ASIG në retreat
Autoritetit Shtetëror për Informacionin Gjeohapësinor(ASIG) organizoi më 02 qershor 2023, në ambientet e restorant OAZI, në Belsh,një retreat “Team Building”, në kuadër të realizimit të analizës së punës të stafit të ASIG, për periudhën e 4 mujorit të parë të vitit 2023, me fokus diskutimin bashkërisht të ecurisë së deri tanishme dhe një planifikim më të mirë të punës.
Me qëllim:
- Nxitjen dhe krijimin e marrëdhënieve të mira në ekip;
- Largimin e përkohshëm nga rutina e punës;
- Reflektimin mbi sfidat e reja;
- Diskutim për çështjet të ndryshme institucionale, në një nivel shumë më të thellë sesa mundet në mjediset e zyrës;
Ky aktivitet shërbeu si çelës suksesi për krijimin e një mjedisi pune gjithëpërfshirës, të besueshëm, ku inkurajohet vazhdimisht komunikimi & bashkëpunimi i hapur.
Dinamikat e reja të punës në ASIG kërkojnë shpirt të fortë skuadre dhe ne jemi gati për të përballuar çdo sfidë.
![](https://asig.gov.al/wp-content/uploads/2023/09/retreat2-1024x681.jpg)
![](https://asig.gov.al/wp-content/uploads/2023/09/retreat3-1024x681.jpg)
![](https://asig.gov.al/wp-content/uploads/2023/09/retreat4-1024x681.jpg)
![](https://asig.gov.al/wp-content/uploads/2023/09/retreat5-1024x681.jpg)
![](https://asig.gov.al/wp-content/uploads/2023/09/retreat6-1024x642.jpg)
![](https://asig.gov.al/wp-content/uploads/2023/09/retreat7-1024x681.jpg)
![](https://asig.gov.al/wp-content/uploads/2023/09/retreat8-1024x681.jpg)
![](https://asig.gov.al/wp-content/uploads/2023/09/retreat9-1024x681.jpg)
![](https://asig.gov.al/wp-content/uploads/2023/09/retreat10-1024x681.jpg)
![](https://asig.gov.al/wp-content/uploads/2023/09/retreat11-1024x681.jpg)
![](https://asig.gov.al/wp-content/uploads/2023/09/retreat12-768x1024.jpg)
![](https://asig.gov.al/wp-content/uploads/2023/09/retreat13-1024x768.jpg)
![](https://asig.gov.al/wp-content/uploads/2023/09/retreat14-1024x768.jpg)
ASIG merr pjesë në Simpoziumin EUREF 2023
Në simpoziumin e organizuar nga nënkomisioni i Shoqatës Ndërkombëtare të Gjeodetëve për Europën “EUREF”, i cili u mbajt në Gothenburg të Suedisë, më 23-26 maj 2023, Autoriteti Shtetëror për Informacionin Gjeohapësinor (ASIG), u përfaqësua nga z. Oltjon Balliu, përgjegjës i sektorit të Kornizës Referuese Gjeodezike dhe z. Luçiano Kasneci specialist i këtij sektori. Qëllimi i këtij simpoziumi ishte mbulimi i aktiviteteve të EUREF të tilla si realizimi, mirëmbajtja dhe përdorimi i sistemeve europiane ETRS89, EVRS dhe Rrjetit Permanet Europian EPN si dhe mbështetja për vendet Ballkanit në zhvillimin e Kornizave Referuese Gjeodezike.
Përfaqësuesit e ASIG në prezantimet e tyre në këtë takim, sollën për të pranishmit informacion mbi statusin aktual të Kornizës Referuese Gjeodezike Shqiptare dhe objektivat që ka ASIG në të ardhmen për ndërtimin dhe zhvillimin e 5 (pesë) rrjeteve kryesore që përbëjnë KRGJSH-në.
Gjithashtu në simpoziumin EUREF 2023 u miratuan rezolutat mbi:
- Përmisimin e konsistencës midis realizimit të fundit ETRS89, veçanërisht midis ETRF2014 dhe ETRF2020 duke njohur përftimet e harmonizimit të kornizave referencave të përdorura nga vendet brenda Evropës.
- Produktet (koordinatat dhe seritë kohore) e Kornizës Referencë EUREF të shprehen në realizimin e fundit të ITRS/IGS20.
- Arzhurnimi i metadatave të stacioneve referencë EPN (koordinatat dhe produktet troposferike) në mënyrë që të bëhet e mundur llogaritja e fushatës së tretë të rrjetit permanent EUREF “ EPN-Repro3” nga qendrat e analizave të EPN.
![](https://asig.gov.al/wp-content/uploads/2023/09/EUREF2-1024x768.jpg)
![](https://asig.gov.al/wp-content/uploads/2023/09/EUREF3.jpg)
![](https://asig.gov.al/wp-content/uploads/2023/09/EUREF4-1024x485.jpg)