Shqip
English
Mbas 25 vitesh vihet në funksionim stacioni i ri Mareografik
Autoriteti Shtetëror për Informacionin Gjeohapësinor (ASIG), i ngarkuar nga ligji nr. 72/2012,
“Për organizimin dhe funksionimin e infrastrukturës kombëtare të informacionit gjeohapësinor në Republikën e Shqipërisë”, si autoritet përgjegjës për krijimin dhe mirëmbajtjen e Kornizës Referuese Gjeodezike Shqiptare ka hartuar projektin e Rrjetit Mareografik në Republikën e Shqipërisë.
Në funksion të plotësimit të kësaj detyre ASIG ka filluar implementimin e këtij projekti me vënien në funksionim të Mareografit në Kepin e Palit (Durrës), pas 25 vitesh mungesë të informacionit mbi monitorimin e nivelit mesatar të detit. Ky projekt po zbatohet në kuadër të ndihmës norvegjeze, nëpërmjet projektit ALNO-HIP, që ka si synim ndërtimin e dy stacioneve mareografike në Durrës dhe Sarandë. Parashikohet që brenda muajit prill të këtij viti të vihet në funksionim edhe stacioni i Sarandës. ASIG gjithashtu parashikon, që me fondet e vëna në dispozicion nga qeveria shqiptare, të ndërtojë dhe instalojë edhe dy stacione të tjera mareografike (Shëngjin dhe Orikum), e gjithë kjo në kuadrin e realizimit të projektit kombëtar të rrjeteve gjeodezike. Këto stacione do të përmbushin një boshllëk shumëvjeçar mbi të dhënat e nivelit të detit në bregdetin shqiptar, të domosdoshme si të dhëna bazë për krijimin e Referencës Gjeodezike Shqiptare. Gjithashtu të dhënat që do të gjenerohen, analizohen dhe publikohen i shërbejnë plotësimit të kërkesave të shumë agjencive: institucione shtetërore, pushtetit vendor dhe ndërkombëtare që merren me studimin e dinamikës së Bregdetit Shqiptar. Të dhënat nga mareografët e instaluar në vijën bregdetare do të transmetohen nëpërmjet një linje komunikimi online nga stacionet tek qendra e kontrollit pranë ASIG. Më pas këto të dhëna do t’iu nënshtrohen përpunimeve dhe analizave përkatëse për llogaritjen e nivelit mesatar të detit, LAT etj. të cilat do të publikohen nëpërmjet një shërbimi të dedikuar në faqen zyrtare të ASIG.
Të dhënat e publikuara në Gjeoportalin Kombëtar
Autoriteti Shtetëror për Informacionin Gjeohapësinor (ASIG), në periudhën 4 vjeçare të funksionimit, ka hedhur hapa të rëndësishëm në realizimin e misionit të tij, ndërtimin e Infrastrukturës Kombëtare të Informacionit Gjeohapësinor në Republikën e Shqipërisë, bazuar në ligjin Nr. 72/2012, datë 28.06.2012, “Për Organizimin dhe Funksionimin e Infrastrukturës Kombëtare të Informacionit Gjeohapësinor në Republikën e Shqipërisë”. Një nga arritjet më të rëndësishme të ASIG është ndërtimi i Gjeoportali Kombëtar, i cili ofron shërbimet e rrjetit, në përputhje të plotë me ligjin 72/2012 dhe Direktivën 2007/2/EC “INSPIRE”, të Parlamentit dhe Këshillit Evropian. Gjeoportali Kombëtar, ofron për institucionet, biznesin, publikun dhe çdo palë tjetër të interesuar, të dhëna dhe shërbime gjeohapësinore, për një numër temash të nenit 11, të ligjit 72/2012, të cilat i gjeni në materialin më poshtë. Më shumë informacion lidhur me të dhënat dhe shërbimet e publikuara mund të gjeni më metadatën e cdo shtrese, në katalogun e metadatave të publikuar në Gjeoportalin Kombëtar (https://geoportal.asig.gov.al/geonetwork)
Shiko – “Lista e të dhënave të publikuara në Gjeoportalin Kombetar”
Publikohen Hartat Tematike të Gjeologjisë
ASIG në bashkëpunim me Shërbimin Gjeologjik Shqiptar ka publikuar në Gjeoportalin Kombëtar, për temën “Gjeologjia”, hartat tematike për qarqet: Berat, Dibër, Durrës, Elbasan, Fier, Gjirokastër, Korçë, Kukës, Lezhë, Shkodër, Tiranë, Vlorë. Për më shumë informacion klikoni në linkun: https://geoportal.asig.gov.al/map/?auto=true
“Infrastruktura e Informacionit Gjeohapësinor në Shqipëri- Gjeoportali Kombëtar”
Në ambjentet e Hotel Tirana International, ASIG në kuadër të projektit IMPULS
zhvilloi workshopin me temë “Infrastruktura e Informacionit Gjeohapësinor në Shqipëri- Gjeoportali Kombëtar”. Në këtë workshop morën pjesë përfaqësues të autoriteteve publike përgjegjëse për temat e nenit 11 të ligjit 72/2012 “Për organizimin dhe funksionimin e Infrastrukturës Kombëtare të Informacionit Gjeohapësinor në Republikën e Shqipërisë” si dhe përfaqësues të institucioneve të tjera që kanë bazë të punës së tyre gjeoinformacionin. Objektivi i këtij Workshop-i ishte tju mundësoj autoriteteve publike përgjegjëse të përfitojnë nga shërbimet e Gjeoportalit Kombëtar nëpërmjet demonstrimit live lidhur me: regjistrimin, krijimin dhe editimin e metadatave dhe veçanërisht shkarkimin e të dhënave.
Referuesit e këtij workshop-i theksuan rëndësinë Infrastrukturës Kombëtare të Informacionit Gjeohapësinor në procesin e vendimmarrjes, hapat e ndërmarra për implementimin e direktivës ISPIRE dhe shërbimet që ofron Gjeoportali Kombëtar për autoritetet publike . Ekspertë të ASIG demostruan live procesin e regjistrimit të përdoruesve në Gjeoportal, editim dhe përditësimin e metadatave për shtresat përkatëse si dhe shërbimet e rrjetit që ofrohen nëpërmjet tij, që nga zbulimi i metadatave, shikimi të dhënave dhe shkarkimi i tyre.
Programi Kombëtar i Praktikave të Punës
– Programi është një mundësi për të rinjtë profesionistë nga mosha 21 deri 26 vjeç, nga Shqipëria dhe Diaspora, të cilët kanë mbaruar minimalisht ciklin e parë të studimeve bachelor.
– Qëllimi i Programit Kombëtar të Praktikave të Punës është përfitimi i një përvoje kualifikuese që ndikon në zhvillimin e aftësive profesionale, akademike, personale dhe njohja me administratën publike.
– Zhvillimi i praktikës së punës është pa pagesë megjithatë periudha e praktikës së punës do të njihet si përvojë pune gjatë rekrutimit në institucionet e administratës publike.
– Pasi të informoheni gjerësisht rreth programit dhe pas konsultimit të profileve të kërkuara, mund të vijoni me plotësimin e formës së aplikimit. Një nga dokumentet kryesorë që duhet të plotësoni është letra e motivimit
Krijimi i grupit të ekspertëve nga EuroGjeografiks për të përforcuar përkushtimin ndaj Kopernikut
Anëtarët e EuroGeographics kanë nisur një grup ekspertësh për të forcuar angazhimin e tyre për të siguruar dhe harmonizuar të dhënat dhe informacionet gjeohapësinore pan-Europiane për Kopernikun.
Ky veprim bazohet në marrëveshjen e bashkëpunimit të nënshkruar më parë mes Shoqatës për Autoritetet Kombëtare të Kartografisë, Kadastrit dhe Regjistrimit të Tokave dhe Agjencisë Evropiane të Mjedisit (EEA).
Rrjeti i sapokrijuar i Shkëmbimit të Njohurive të Kopernikut ” Copernicus Knowledge Exchange Network” (KEN) do të përmirësojë koordinimin dhe komunikimin midis dy organizatave, me fokus në lehtësimin e qasjes së të dhënave autoritative referente gjeohapësinore për përdorim në aktivitetet e iniciuara nga ZEE dhe iniciativa kryesore e Komisionit Evropian për vëzhgimin dhe monitorimin e Tokës . Ai gjithashtu do të vlerësojë kërkesat e shërbimeve të Kopernikut për të dhënat gjeohapësinore për të identifikuar boshllëqet e të dhënave dhe për të propozuar zgjidhje.
Anders Sandin, kryetar i Kopernikut KEN komentoi: “Ne presim me padurim ta vazhdojmë punën tonë me EEA për të përcaktuar se si mund të ofrohet një qasje në të Dhënat Autoritative Gjeohapësinore në përputhje me politikën e të dhënave dhe informacionit të programit Kopernik, duke respektuar gjithashtu edhe institucionin kombëtar EuroGeographics , politikën legjislative dhe kërkesat e biznesit. Kjo do të përfshijë shqyrtimin e zgjidhjeve për të siguruar qasje të plotë, të lirë dhe të hapur në të dhënat gjeohapësinore për programin Copernicus “.
Ne gjithashtu po punojmë së bashku për të vënë Portalin e Aksesit të të Dhënave të Referencës Kopernik (CORDA) në dispozicion të anëtarëve të EuroGeographics për të hetuar se si shërbimet kombëtare dhe rajonale të të dhënave gjeohapësinore mund të bëhen në mënyrë të gatshme dhe efikase. Të dhënat do t’i sigurohen CORDA-s nëpërmjet një projekti pilot për Shërbimet e Vendndodhjes së Evropës në të ardhmen që po zhvillohen nga EuroGeographics dhe anëtarët e saj.
“Vizioni parësor është që këto të dhëna do të ofrojnë një pikë hyrëse të vetme për përdoruesit ndërkombëtarë të informatave dhe shërbimeve gjeohapësinore të harmonizuara, pan-Europiane, autoritare. Gjithashtu mundëson që autoritetet kombëtare të hartave, kadastrave dhe regjistrit të tokës të njihen në përpjekjet e tyre ndërkombëtare për të kontribuar në të mirën më të gjerë publike “.
Komiteti koordinues i Copernicus KEN përbëhet nga përfaqësues nga Suedia, Austria, Danimarka, Franca, Gjermania, Britania e Madhe dhe Spanja, ku të gjithë anëtarët e EuroGeographics janë të inkurajuar të marrin pjesë në aktivitetet e saj.
Për më shumë informacion vizitoni: www.eurogeographics.org.
Për informacione të mëtejshme ju lutemi kontaktoni Rhian French në numrin +44 1264 300126, +447892 698 350 (celular) ose në email press@eurogeographics.org.
EuroGeographics
EuroGeographics është një organizatë jofitimprurëse ndërkombëtare (AISBL / IVZW sipas Ligjit Belge, regjistrimi i BE-së: 833 607 112) dhe shoqata e anëtarësimit për Autoritetet Kombëtare Evropiane të Kartografisë, Kadastrës dhe Regjistrimit të Tokës. Ajo aktualisht sjell së bashku 61 anëtarë nga 46 vende.
Mbledhje e Bordit për Informacionin Gjeohapësinor – BIG datë 24.05.2017
Në mbledhjen e radhës së Bordit për Informacionin Gjeohapësinor –BIG, e zhvilluar në datën 24.05.2017, ASIG prezantoi dokumente të rëndësishme që lidhen me Infrastrukturën Kombëtare të Informacionit Gjeohapësinor në Shqipëri, si:
– Standardet Shtetërore për Specifikimet Teknike të Informacionit Gjeohapësinor në Shqipëri :Tema ‘Modeli Dixhital i Terrenit”.
– Standardet Shtetërore për Specifikimet Teknike të Informacionit Gjeohapësinor në Shqipëri: Tema “Ortoimazheria”.
– Rregullat për shkëmbimin e grupeve dhe shërbimeve të të dhënave gjeohapësinore mes autoriteteve publike.
– Udhëzues teknik për planifikimin, realizimin dhe kontrollin e fotografimit ajror dhe skanimit lidar.
Fotografimi ajror në Republikën e Shqipërisë
Fotografimi ajror i terrenit është baza gjeografike në kuadër të krijimit të planeve të qëndrueshëm të zhvillimit, të rritjes ekonomike dhe përmirësimit të infrastrukturës sociale dhe standardit të jetesës. Për zbatimin e planeve të zhvillimit, studimin e fizibilitetit dhe projektet e detajuara, si dhe ruajtjen e mjedisit, informacioni i përditësuar gjeohapësinor është shtylla kryesore e këtij procesi.
Fotografimi Ajror Dixhital, i cili do të prodhohet nga projekti i financuar nga Qeveria Shqiptare në kuadër të projektit “Krijimi i infrastrukturës kombëtare të të dhënave hapësinore në Republikën e Shqipërisë”, do të jetë padyshim informacioni kryesor për krijimin e një harte të re të unifikuar të Republikës së Shqipërisë, e cila është domosdoshmëri për krijimin e informacionit topografik për shume institucione shqiptare si: Zyra e Regjistrimit të Pasurive të Paluajtshme, ALUIZNI, Agjensia e Kthimit dhe Kompesimit të Pronave, Agjencisë Kombëtare të Planifikimit të Territorit si dhe cdo njësi e qeverisjes vendore.
Produkti i marë nga ky fotografim ajror është me cilësori i aritur deri më tani në shqipëri dhe nga më të avancuarit në realizimet në nivel kombëtar, krahësuar me ekperiencat ndërkombëtare, pasi janë përdorur teknologji të avancuara si ‘LiDAR technologies’.
Përdorimi i kësaj teknologjie ka mundësuar prodhimin e një DTM dhe DSM kualitative, të rezolucioneve të larta të terenit (5 pika/m2 për zona urbane (sip.1028 km2); 2 pika /m2 në zona fushore (sip.10340km2) dhe deri në 1pike/m2 në zonat malore (Sip.17380km2), që më pas janë mbështetur për prodhimin e orotofotos cilësore sipas rezolucioneve të zonave të përcaktuara në specifikime teknike. Deri më tani është mbuluar 83% e teritorit me fotografim ajror.
Tashmë këto produke janë të aksesueshme per publikun dhe cdo subjekti të interesuar si shërbime nëpërmjet Gjeoportalit Kombëtar të ASIG
Prezantimi i Gjeoportalit të Ri Kombëtar
Nga eventi i organizuar në kuadër të Javës së Inovacionit 2017 në ambientet e Universitetit “Polis” ku u prezantua Gjeoportali i Ri Kombëtar i zhvilluar nga ASIG në përputhje me standardet europiane të direktivës INSPIRE, ku morën pjesë përfaqësues të Botës Akademike, përfaqësues të Instutucioneve Shtetërore si dhe përfaqësues të Subjekteve Private.
Hartat Dixhitale janë një instrument i rëndësishëm për të gjithë institucionet publike e private si dhe ekspertët e fushës .Në këtë aktivitet u diskutua mbi përdorimin e Gjeoportalit Kombëtar dhe se si Universitetet po i përdorin të dhënat e këtij Gjeoportali duke krijuar hapësira të reja punësimi për të rinjtë.
Programi i Aktiviteteve të ASIG
Një nga përgjegjësitë themelore të ASIG është krijimi dhe administrimi Gjeoportalit Kombëtar si dhe garantimi i aksesit të publikut dhe subjekteve të intersuara në përputhje me dispozitat e ligjit 72/2012. Ky Gjeoportal është një hap shumë i rëndësishëm në kuadër të Qeverisjes të Hapur (OGP), që në thelb ka politikën e të dhënave të hapura për qytetarët, duke u ofruar shërbime larg burokracisë dhe afër cilësisë. Gjeoportali Kombëtar do të shërbejë për bashkëpunim ndërinstitucional në kuadër të eficiencës në shërbim të qytetarit.
Duke qenë një nga prioritetet e qeverisë shqiptare, referuar edhe kuadrit ligjor rregullues i cili tashmë është plotësuar edhe me amendimet që u bënë së fundmi, fokusi do të jetë zhvillimi i këtyre shërbimeve online.Në këtë kuadër ASIG ka organizuar disa aktivitete si më poshtë:
27.10.2016 – Mbledhje BIG
10.11.2016 – Takim pranë ALUIZNI-t Lezhë mbi përdorimin e Hartës Unike Dixhitale në procesin e LEGALIZIMEVE
08.02.2017 – Workshop Metadata dhe cilësia e të dhënave
09.02.2017 – Workshop Metadata dhe cilësia e të dhënave
22.02.2017 – Nënshkrimi i marrëveshjes me JICA për kadastrën dixhitale
09.03.2017 – Mbledhje BIG
21.03.2017 – Takim me flotën detare të Durrësit.Krijohet infrastruktura e hartave dixhitale detare! Bazë për zhvillim e porteve dhe turizmit detar si çdo vend i Mesdheut dhe për të patur kufij detarë të saktë.
05.04.2017 – ASIG merr pjesë në Konferencën e 8-të Infocom World Albania
12.04.2017 – Takim mbi Përdorimin e Gjeoportalit Kombëtar në Bashkinë Durrës.
24.05.2017 – Mbledhje BIG
15.05.2017 – Prezantimi I Gjeoportalit të ri Kombëtar
14.06.2017 – CLOSING EVENT Në kuadër të mbylljes me sukses të projektit të bashkëpunimit mes Qeverisë Norvegjeze dhe asaj Shqiptare në lidhje me krijimin e Infrastrukturës Kombëtare të Informacionit Gjeohapësinor në Republiken e Shqipërisë