Takimi i Komitetit Drejtues të Projektit “IPA DRAM”
Z. Dritan Prifti, Përgjegjës i Sektorit Remote Sensing, në ASIG, mori pjesë në takimin e Komitetit Drejtues të Projektit ‘IPA DRAM’(Disaster Risk Assesment and Mapping)”, i mbajtur më 15 Nëntor 2018 në Lubjanë, Slloveni. Në këtë aktivitet merrnin pjesë drejtues të agjencive për mbrojtjen civile, institucione të menaxhimit të riskut dhe fatkeqësive, si dhe përfaqësuesve nga institucione që kanë një rol kyç në implementimin e këtij projekti .
Qëllimi i projektit është krijimi i sistemeve kombëtare efektive, koherente dhe të orientuara drejt BE-së, për grumbullimin e të dhënave, për humbjet në raste fatkeqësish natyrore, vlerësimi dhe hartëzimi i riskut si dhe shtrirjen dhe integrimin në mekanizmin e mbrojtjes civile të Unionit Evropian.
Në këtë takim përfaqësuesi i ASIG informoi të pranishmit mbi arritjet kryesore të institucionit, në rolin e tij koordinues për ndërtimin infrastrukturës së informacionit gjeohapësinor në Shqipëri, si dhe shërbimet që ofrohen përmes Gjeoportalit Kombëtar, në të cilin publikohet i gjithë informacioni gjeohapësinor i prodhuar nga institucionet publike.
Aksesimi i këtyre të dhënave është shumë i rëndësishëm për krijimin e hartës së riskut dhe të Atlasit Elektronik Rajonal të Riskut (ERRA), i cili është një nga produktet kryesore të këtij projekti.
Vizitë pranë Ambienteve të Institutit Gjeografik Ushtarak të Firences
Përfaqësues të Autoritetit Shtetëror për Informacionin Gjeohapësinor ( ASIG), vizituan ambientet e Institutit Gjeografik Ushtarak të Firences, ku u njohën me historinë e këtij institucioni, që nga momenti i krijimit, materialet që disponon, si dhe teknikat e punës së tij. Qëllimi i vizitës ishte interesi i ASIG, për t’u njohur dhe për të mundësuar marrjen e materialeve hartografike dhe fotografive ajrore për Republikën e Shqipërisë, të krijuara në vite, duke filluar nga viti 1928. Pasi të na vihen në dispozicion, këto materiale, do të publikohen në Gjeoportalin Kombëtar dhe do të jenë në funksion të institucioneve dhe publikut.
Vlen të theksohet se Instituti Gjeografik Ushtarak Italian (IMGI) është zyra mbështetëse gjeografike e ushtrisë italiane.
Ky institut është gjithashtu Autoritet Kombëtar Hartografik dhe për këtë arsye hartografia e prodhuar prej tij është e cilësisë së lartë, përdoret nga entitetet publike dhe private dhe konsiderohet hartografi zyrtare shtetërore.
Instituti Gjeografik Ushtarak i Firences disponon edhe një muze me koleksione të instrumenteve të përdorura për kryerjen e punimeve të astronomisë, gjeodezisë, topografisë, fotogrametrisë dhe llogaritjes.
![](https://asig.gov.al/wp-content/uploads/2023/09/firenze1_opt-Copy.jpg)
![](https://asig.gov.al/wp-content/uploads/2023/09/firenze2_opt-Copy.jpg)
![](https://asig.gov.al/wp-content/uploads/2023/09/firenze3_opt.jpg)
Workshop mbi përdorimin e programeve fotogrametrike Summit Evolution, Match-AT, Ortho Vista dhe Microstation
Në workshop-in e organizuar në ambietet e Autoritetit Shtetëror për Informacionin Gjeohapësinor,
në datat 28.10-01.11.2018, nën asistencën e një specialisti të Autoritetit Norvegjez të Hartografisë dhe Kadastrës (Statens Kartverk), morën pjesë përfaqësues të Sektorit Remote Sensing në ASIG.
Ky trajnim kishte në fokus përdorimin e programeve fotogrametrike “Summit Evolution”, “Match-AT”, “Ortho Vista” dhe “Microstation”.
Programi i trajnimit ofroi njohuri bazë mbi programet fotogrametrike, funksionalitetet e tyre, vënien në eficencë si dhe dhe krijimi i një projekti me fotografi ajrore të vitit 1994.
Projekti i krijuar kishte synim krijimin e Ortofoto e vitit 1994, për një zonë pilot, me fotografi historike të qytetit të Tiranës, të marra nga fluturimi ajor i vitit 1994.
Pas përfundimit të projektit pilot, me asistencën e specialistëve norvegjezë të Statens Kartverk po punohet për ngritjen e Ortofotos së vitit 1994 për të gjithë Republikën e Shqipërisë.
Twitter
Trajnim në kuadër të projektit me temë: ”Informacioni Gjeohapësinor, për një zhvillim të qëndrueshëm të tokës në zonën Tiranë – Durrës”
Specialistë të Autoritetit Shtetëror për Informacionin Gjeohapësinor, nga sektorët e Remote
Sensing, Hartografisë dhe Standardeve të Gjeoinformacionit morën pjesë në një trajnim dy javor, në kuadër të projektit me Agjencinë Japoneze për Bashkëpunim Ndërkombëtar JICA, në datat 13-27.10.2018, në Tokio, Japoni.
Zhvillimi i trajnimit, në një institucion dhe kompani private me detyra dhe përgjegjësi të ngjashme me ato të ASIG, ofroi mundësinë e shkëmbimit të eksperiencës jo vetëm në anën tekniko-profesionale por edhe në atë organizative dhe menaxheriale, duke parë dhe studiuar mënyrën se si planifikohen dhe realizohen proceset e punës, nga sektorët përkatës që operojnë në fushën e Fotogrametrisë dhe Remote Sensing.
Programi i trajnimit ofroi njohuritë bazë dhe shkëmbim eksperience, në fushën e fotogrametrisë dhe teknologjisë Remote Sensing, si dhe metodat më bashkohore që janë në përdorim në Japoni, mënyrën e menaxhimit, krijimit, përditësimit dhe të mirëmbajtjes së informacionit hartografik, sipas trendeve të fundit.
Njohuritë dhe eksperienca e fituar nga ky trajnim, ndihmojnë shumë në përmirësimin e metodikës së punës, zgjidhjen e disa problemeve që lidhen me mungesën e eksperiencës në fushën e fotogrametrisë, si dhe ofrojnë një bazë të mirë mbështetëse për krijimin, mirëmbajtjen dhe përditësimin e hartës bazë.
![](https://asig.gov.al/wp-content/uploads/2023/10/japoni2_opt.jpg)
![](https://asig.gov.al/wp-content/uploads/2023/10/japoni3_opt.jpg)
Workshop mbi përdorimin e programeve FME (feature manipulation engine) për harmonizimin dhe implementimin e të dhënave gjeohapësinore konform standardeve të gjeoinformacionit
Përfaqësuesit e Autoritetit Shtetëror për Informacionin Gjeohapësinor z.Mikel Millja, zj.Denisa Kukaj nga Sektori i Standardeve të Gjeoinformacionit dhe z.Erin Mlloja, Sektori i GIS-it Kombëtar morën pjesë në Workshop-in mbi Përdorimin e programeve FME (Feature Manipulation Engine) për harmonizimin dhe implementimin e të dhënave gjeohapësinore konform standardeve të gjeoinformacionit i mbajtur në datat 01-04 Tetor 2018, në Zagreb, Kroaci.
Ky trajnim kishte për qëllim përfitimin e aftësive në përdorimin e programit FME, mbi harmonizimin dhe implementimin e të dhënave gjeohapësinore konform direktivës INSPIRE. Disa nga çështjet më të rëndësishme në të cilat u fokusua ky trajnim ishin:
• Njohuri themelore në përdorimin e programit FME (krijim, përpunim dhe modelim të proceseve të punës)
• Interpretimi i modelimit konceptual të të dhënave (UML-Language) të INSPIRE sipas programit FME (elementë të përgjithshëm).
• Harmonizimi i informacionit ekzistues gjeohapësinor sipas specifikimit të të dhënave për temat e gjeoinformacionit.
![](https://asig.gov.al/wp-content/uploads/2023/10/workshopFME.jpg)
Pjesëmarrje në Asamblenë e Përgjithshme të Eurogeographics
Drejtuesit e Autoritetit Shtetëror për Informacionin Gjeohapësinor, z.Lorenc Çala Drejtor i Përgjithshëm , z.Kristaq Qirko Drejtor i Drejtorisë së Gjeodezisë dhe Hartografisë, z.Klaudio Çollaku Drejtor i Drejtorisë së GIS-it Kombëtar dhe Gjeoportalit, morën pjesë në Asamblenë e Përgjithshme të Eurogeographics, e mbajtur në datat 07-10.10.2018, në Pragë, Çeki.
Çështjet kryesore që u trajtuan në këtë asamble ishin:
• Besueshmëria e të dhënave gjeohapësinore, nëpërmjet të cilave realizohen vendimmarrje që prekin ndjeshëm jetën e shoqërisë tonë, në një kohë kur flasim për “big data” dhe evolim të shpejtë të teknologjisë dhe internetit.
• Të dhënat autoritative dhe rëndësia e tyre.
• Roli NMCA-së (National Mapping and Cadastral Agencies) si faktorë të rëndësishëm në trajtimin e çështjeve të gjeoinformacionit, në të tashmen dhe të ardhmen, në dobi të së mirës publike.
![](https://asig.gov.al/wp-content/uploads/2023/10/Eurogeo2.jpg)
![](https://asig.gov.al/wp-content/uploads/2023/10/Eurogeo3.jpg)
![](https://asig.gov.al/wp-content/uploads/2023/10/Eurogeo4.jpg)
![](https://asig.gov.al/images/Eurogeo4.jpg)
Pjesëmarrje në workshop-in me temë: “Të kuptuarit e risqeve natyrore në Ballkan”
Në workshop-in me temë, “Të kuptuarit e risqeve natyrore në Ballkan” të zhvilluar në datat 17-19 Shtator 2018, në Beograd, Serbi, Autoriteti Shtetëror për Informacionin Gjeohapësinor u përfaqësua nga z.Mikel Millja përgjegjës i Sektorit të Standardeve të Gjeoinformacionit.
Qëllimi i këtij workshop-i ishte të realizohej një forum diskutimesh mes vendeve të Ballkanit, për të ndarë eksperiencat më të mira në lidhje me: menaxhimin e riskut, përballimin e rreziqeve natyrore të së ardhmes, zhvillimin e teknologjisë për menaxhimin e hartave të rrezikut si dhe ndikimin social, fizik dhe financiar të fatkeqësive natyrore. Ky workshop u mundësua nga Qeveria e Serbisë në bashkëpunim me Bankën Botërore.
Në vijim të këtij takimi në datën 21 Shtator 2018, pranë ambienteve të Ministrisë së Infrastrukturës dhe Energjisë, Tiranë, u zhvillua workshop-i me temë,“Gjendja e rrugëve dhe ndikimi i risqeve natyrore në to.” Në këtë workshop u diskutuan tre çështje kryesore;
– Progresi dhe rezultatet paraprake të analizës së rrezikut për asetet rrugore elastike të rrugëve në Shqipëri.
– Analiza e përmbytjeve, rrëshqitjeve të dheut dhe sizmikës.
– Paraqitja e hartave të rrezikut, analiza e rrezikut dhe analiza e ndikimit ekonomik.
![](https://asig.gov.al/wp-content/uploads/2023/10/ballkan2.jpg)
![](https://asig.gov.al/wp-content/uploads/2023/10/ballkan3.jpg)
Pjesëmarrje në takimin e Komitetit Drejtues të projektit IMPULS
Koordinatori i ASIG, për projektin IMPULS z.Dritan Prifti mori pjesë në takimin e Komitetit Drejtues të këtij projekti i cili u mbajt më 18.10.2018 në Zagreb, Kroaci. Në këtë takim merrnin pjesë drejtuesit e institucioneve përgjegjëse për infrastrukturën e të dhënave gjeohapësinore të shteteve të Ballkanit Perëndimor pjesë e këtij projekti.
Pjesëmarrësit diskutuan mbi ecurinë e projektit IMPULS, arritjet dhe sfidat eventuale deri në përfundimin e tij, i cili parashikohet të jetë 31 Dhjetori i vitit 2019. Në këtë takim z.Dritan Prifti prezantoi disa nga arritjet e ASIG siç janë;
Rritja e ndërgjegjësimit publik për përfitimet nga gjeoinformacioni, zhvillimi profesional dhe mundësitë e trajnimit për rritjen e kapaciteteve të autoriteteve publike përgjegjëse, harmonizimi i të dhënave gjeohapësinore dhe krijimi i metadatave për këto të dhëna.Gjithashtu u raportuan hapat e hedhur për ndërtimin e një platforme për dhënien e shërbimeve gjeohapësinore sipas standardeve të formatit Dataexchange, standardeve mbi shërbimet e rrjetit që do të përdoren në GIS-in Kombëtar nga përdoruesit e gjerë.
Nga drejtuesit e projektit u evidentua fakti se ASIG është duke përmbushur me sukses detyrat e tij në fushën e gjeoinformacionit në krah të vendeve të tjera të rajonit si dhe vendeve të Bashkimit Evropian.
Pjesëmarrje në konferencën e INSPIRE 2018
Përfaqësues të Autoritetit Shtetëror për Informacionin Gjeohapësinor ( ASIG) morën pjesë në konferencën e INSPIRE 2018 “Inspire Users: Make it work together”, të zhvilluar në datat 18-21 Shtator 2018, në Antwerp, Belgjikë, nën kujdesin e Komisionit Europian, Holandës dhe Belgjikës. Në këtë konferencë ishin të ftuar të merrnin pjesë aktorët dhe kontribuesit kryesorë në zbatimin e Direktivës 2007/2/EC “INSPIRE” të BE-së si dhe ofruesit privatë të teknologjive dixhitale. Konferenca trajtoi çështje të rëndësishme të gjeoinformacionit ndër të cilat:
• Përdorimi i mekanizmit të INSPIRE për të adresuar sfidat e shfaqura dhe të reja, të transformimit dixhital dhe të informacionit, për një qeverisje më të qëndrueshme në një mjedis të zhvillimit të vrullshëm të shoqërisë së informacionit.
• Nevoja për bashkëpunim dhe bashkërendim më të mirë mes aktorëve të përfshirë drejtpërdrejt në hartimin dhe zbatimin e iniciativave relevante globale në fushën e gjeoinformacionit.
• Shkëmbimi i pikëpamjeve mbi zgjidhjen e problemeve dhe vështirësive teknike të hasura në zbatimin dhe përdorimin e INSPIRE.
![](https://asig.gov.al/wp-content/uploads/2023/10/13_opt.jpg)
![](https://asig.gov.al/wp-content/uploads/2023/10/14_opt.jpg)
Prezantim në workshop-in me temë: “Ndërtimi i kapaciteteve në fushën e edukimit të lartë, projekti BESTSDI”
Në ambientet e Fakultetit të Inxhinierisë së Ndërtimit është duke u zhvilluar workshop –i me temë: “Ndërtimi i kapaciteteve në fushën e edukimit të lartë, projekti BESTSDI”.
Në ditën e parë të këtij workshop-i Drejtori i Përgjithshëm i ASIG z.Lorenc Çala mbajti një prezantim mbi rolin, përgjegjësitë dhe arritjet e ASIG në krijimin e Infrastrukturës Kombëtare të Informacionit Gjeohapësinor (NSDI) në Republikën e Shqipërisë.
Në prezantim u evidentua nevoja e rritjes së kapaciteteve të profesionistëve të fushës së gjeoinformacionit, roli i kurikulës universitare në këtë drejtim dhe nevoja e përshtatjes së saj me zhvillimet e vrullshme teknologjike.
Projekti BESTSDI (Evolimi i edukimit akademik në Ballkanin Perëndimor dhe trajnimi i vazhdueshëm profesional për infrastrukturën e informacionit gjeohapësinor), është ndërmarrë në kuadër të programit Erasmus + për të mbështetur edukimin e lartë dhe ngritjen e kapaciteteve në nivelet e kërkuara ndërkombëtare për implementimin e direktivës evropiane 2007/2/EC “INSPIRE”.
Kontributi i drejtpërdrejtë i këtij workshop-i është ndryshimi dhe përmirësimi i kurikulave universitare për të përgatitur profesionistë që do të do të krijojnë dhe përdorin informacion gjeohapësinor, të standardeve evropiane.