Shqip
English
Trajnim me stafet teknike të Bashkive Delvinë, Konispol dhe Finiq
Vijojnë trajnimet në kuadër të nismës së ndërmarrë nga ASIG me qëllim rritjen e kapaciteteve të stafeve teknike të njësive të qeverisjes vendore. U zhvilluan sot trajnimi me stafet teknike të Bashkive Delvinë, Konispol dhe Finiq.
Ekspertët e ASIG patën mundësi ti ofronin të pranishmëve njohuri dhe informacion më të zgjeruar mbi:
- Përdorimin dhe funksionalitetet e Gjeoportalit Kombëtar;
- Mbledhjen e të dhënave sipas temave të gjeoinformacionit për: Njësitë administrative dhe fshatrat në përbërje të tyre (rendi 4 dhe 5), Rrjeti i transportit rrugor lokal;
- Prezantimin e produkteve të përftuara nga projekti i Shërbimit Satelitor.
Trajnim me stafin teknik të Bashkisë Sarandë
Stafet teknike të Drejtorisë së Planifikimit të Territorit, Drejtorisë së Shërbimeve Publike dhe Emergjencave Civile, Drejtorisë së Bujqësisë, Pyjeve dhe Kullotave dhe Drejtorisë së Projekteve në Bashkinë Sarandë zhvilluan sot më 18.06.2024, në ambientet e kësaj bashkie, nën asistencën e ekspertëve të ASIG trajnimin mbi;
- Përdorimin dhe funksionalitetet e Gjeoportalit Kombëtar;
- Mbledhjen e të dhënave sipas temave të gjeoinformacionit për: Njësitë administrative dhe fshatrat në përbërje të tyre (rendi 4 dhe 5), Rrjeti i transportit rrugor lokal;
- Prezantimin e produkteve të përftuara nga projekti i Shërbimit Satelitor.
SOFTMOVE
Autoriteti Shtetëror për Informacionin Gjeohapësinor (ASIG) është partner në projektin SOFTMOVE, një projekt i bashkë financuar nga Programi Interreg IPA South Adriatic 2021-2027, dhe Bashkimi Evropian nëpërmjet Instrumenteve të Para-Antarsimit (IPA III) si një program bashkëpunimi ndërkufitar mes Shqipërisë dhe Malit të Zi.
Partnerët e projektit SOFTMOVE janë ASIG, DTA Distretto Tecnologico Aerospaziale (IT) dhe NVU Digital Den.
SOFTMOVE synon të ndërtojë marrëdhënie bashkëpunimi dhe partneritete ndërkombëtare që promovojnë përdorimin e dronëve, me fokus në operacionet dhe zbatimin e shërbimeve inovative ajrore dhe përdorimin e shërbimeve hapësinore, në mënyrë që të mund t’u përgjigjet nevojave të qytetarëve në qytetet e ardhshme (smart city), të zonës IPA. Njohuritë dhe ngritja e kapaciteteve janë thelbësore për të përmirësuar aftësitë e zonës së Adriatikut Jugor në përdorimin e teknologjive të dronëve dhe për të propozuar zgjidhje për problemet e qyteteve inteligjente. Zhvillimi i njohurive mbi sistemet ajrore pa pilot do të jetë në gjendje të gjenerojë një ndikim pozitiv ekonomik në industrinë vendase, falë pjesëmarrjes aktive të bizneseve fillestare dhe SME-ve që do të jenë në gjendje të bashkojnë teknologjitë dhe aftësitë ndërdisiplinore.
Takim mes ASIG dhe Autoritetit Rajonal të Baseneve Lumore të Kosovës
Autoriteti Shtetëror për Informacionin Gjeohapësinor (ASIG) priti në një takim pune Autoritetin Rajonal të Baseneve Lumore të Kosovës i cili në bashkëpunim me Agjencinë e Menaxhimit të Burimeve Ujore në Shqipëri ishin pjesë të aktivitetit që u zhvillua në Tiranë, në datat 10 dhe 11 qershor 2024, në kuadër të takimit të dytë për shkëmbimin dhe forcimin e kapaciteteve institucionale ndërmjet AMBU dhe ARBLK.
Qëllimi i këtij takimi ishte njohja e përfaqësuesve të Autoritetit Rajonal të Baseneve Lumore të Kosovës me të gjitha nismat dhe bashkëpunimet e suksesshme të realizuara mes ASIG dhe AMBU.
Ekspertët e ASIG iu prezantuan atyre të dhënat dhe informacionet gjeohapësinore të publikuara në Gjeoportalin Kombëtar si frut i bashkëpunimit mes ASIG dhe AMBU.
Gjithashtu me interes të veçantë për miqtë nga Kosova ishin edhe produktet e ASIG të përftuara nga projekti i shërbimit satelitor, ku Drejtori i Drejtorisë së Përpunimit të të Dhënave Remote Sensing i njohu më nga afër me ecurinë e deritanishme të këtij projekti.
Vizitë e përfaqësuesve të Ministrisë së Bujqësisë të Landit të Bavarisë në ASIG
Një grup ekspertësh nga Ministria e Bujqësisë e Landit të Bavarisë bashkë me inxhinierët gjeodet të Organizatës për Digjitalizim dhe Rregullim të Territorit, në varësi të kësaj ministrie, zhvilluan sot nën drejtimin e Prof. Dr. Dhimitër Doka, nga Fakulteti i Historisë dhe Filologjisë, në Universitetin e Tiranës, një vizitë pranë Autoritetit Shtetëror për Informacionin Gjeohapësinor (ASIG).
Drejtori i Përgjithshëm i ASIG znj. Vilma Tomço i njohu vizitorët gjerman me hapat që ASIG ka ndërmarrë në krijimin dhe zhvillimin e NSDI në Shqipëri duke përmendur edhe disa prej arritjeve kryesore të ASIG në këto 10 vite punë të këtij institucioni.
Më pas z. Kristaq Qirko, Drejtor i Drejtorisë së Gjeodezisë dhe Hartografisë i ftoi vizitorët të ndjekin prezantimet e përgatitura nga ekspertët e ASIG me qëllim njohjen e tyre me arritjet e sektorëve të Kornizës Referuese Gjeodezike Shqiptare, (KRGJSH), Gjeoportalit Kombëtar, Përpunimin e të Dhënave Remote Sensing, Hartografisë dhe Fotogrametrisë të ASIG.
Në përfundim të kësaj vizite, drejtuesit e ASIG i ’u përgjigjën të gjitha pyetjeve dhe interesit të vizitorëve, të cilët patën mundësi të vizitojnë nga afër ambientet e ASIG dhe të njihen me teknologjitë me të cilat punon stafi i këtij institucioni.
Trajnim me stafin teknik të bashkisë Librazhd
U zhvillua ditën e premte më 07.06.2024, në ambientet e Bashkisë Librazhd, trajnimi me qëllim rritjen e kapaciteteve të stafeve teknike të kësaj bashkie, me fokus përdorimin e produkteve të gjeoinformacionit.
Në këtë trajnim morën pjesë përfaqësues nga:
- Drejtoria e Planifikimit dhe Zhvillimit të Territorit;
- Drejtoria e Menaxhimit dhe Administrimit të Pyjeve dhe Kullotave;
- Drejtoria e Bujqësisë dhe Ushqimit;
- Drejtoria e Sigurisë Publike.
ASIG merr pjesë në simpoziumin EUREF 2024
Përfaqësues të Autoriteti Shtetëror për Informacionin Gjeohapësinor (ASIG) nga Sektori i Kornizës Referuese Gjeodezike dhe Sektori i Infrastrukturës së Sistemeve CORS morën pjesë në Simpoziumin EUREF 2024 i cili u zhvillua në Barcelonë të Spanjës, në datat 5-7 Qershor 2024.
Në këtë konferencë u diskutuan tema me rëndësi të veçantë siç janë realizimi, mirëmbajtja dhe përdorimi i sistemeve evropiane ETRS89, EVRS dhe Rrjetit Permanent Evropian EPN si dhe mbështetja dhe rekomandimet e tyre mbi zhvillimin dhe mirëmbajtjen e Kornizave Referuese Gjeodezike Kombëtare.
ASIG si përfaqësues i Shqipërisë, një nga vendet e pllakës Euroaziatike, prezantoi në këtë simpozium statusin aktual dhe objektivat për të ardhmen lidhur me Rrjetet e KRGJSH-së, me fokus kryesor Gjeoidin Gravimetrik 2023v.1 dhe përmirësimin e tij në të ardhmen, në funksion të përcaktimit të Referencës Gjeodezike Vertikale në Shqipëri në përputhje me standardet EU (CRS-EU).
Trajnim me stafet teknike të Bashkive Gramsh dhe Peqin
U zhvillua sot në ambientet e bashkisë Gramsh trajnimi me stafet teknike të Bashkisë Gramsh dhe Bashkisë Peqin. Ekspertët e ASIG patën mundësi ti ofronin të pranishmëve njohuri dhe informacion më të zgjeruar mbi:
- Përdorimin dhe funksionalitetet e Gjeoportalit Kombëtar;
- Mbledhjen e të dhënave sipas temave të gjeoinformacionit për: Njësitë administrative dhe fshatrat në përbërje të tyre (rendi 4 dhe 5), Rrjeti i transportit rrugor lokal;
- Prezantimin e produkteve të përftuara nga projekti i Shërbimit Satelitor.
Trajnim me stafin teknik të Bashkisë Tiranë
Ekspertët e ASIG zhvillua sot seancën e dytë të trajnimit me stafet teknike të Bashkisë Tiranë me pjesëmarrje nga:
- Njësitë Administrative në përbërje të Bashkisë Tiranë;
- Drejtoria e Inovacionit, Zhvillimit dhe GIS-it;
- Drejtoria e Përgjithshme e Rrugëve dhe Ndriçimit Publik;
- Drejtoria e Përgjithshme e Investimeve të Punëve Publike;
- Drejtoria e Transportit dhe Trafikut Rrugor;
- Drejtoria e Objekteve në Bashkëpronësi dhe Fondit të Komuniteteve.
Të pranishmit gjatë këtij trajnimi patën mundësi të njihen më nga afër me:
1. Funksionalitetet e Gjeoportalit Kombëtar;
2. Mbledhjen e të dhënave sipas temave të gjeoinformacionit për: Njësitë administrative dhe fshatrat në përbërje të tyre (rendi 4 dhe 5), Rrjeti i transportit rrugor lokal;
3. Prezantimin e produkteve të përftuara nga projekti i Shërbimit Satelitor.
ASIG merr pjesë në konferencën hapëse të projekti “SOFTMOVE”
Autoriteti Shtetëror për Informacionin Gjeohapësinor (ASIG), i përfaqësuar nga Drejtori i Përgjithshëm i ASIG znj. Vilma Tomço dhe z. Dritan Prifti, Drejtor i Drejtorisë së Përpunimit të të Dhënave Remote Sensing, mori pjesë sot në konferencën e mbajtur me rastin e nisjes së projektit me tematikë: “U- Space dhe UAS: Mundësitë dhe sfidat për zonën IPA”, të mbajtur në Bari të Italisë.
Pjesë e ekipit pjesëmarrës në këtë konferencë nga Shqipëria ishin gjithashtu edhe RIC EIT Albania të përfaqësuar nga Dr. Leidi Moisiu dhe SKAITECH me drejtues z. Arbi Bamllari.
Projekti “SOFTMOVE” i cili bazohet në objektivat e programit Interreg IPA, synon të forcojë bashkëpunimin ndërkufitar, për një zhvillim të qëndrueshëm të territoreve të përfshira me synimin e para-anëtarësimit të Shqipërisë dhe Malit të Zi në Bashkimin Evropian.
Kjo konferencë ishte e organizuar në tre sesione kryesore ku të pranishmit mes prezantimesh dhe diskutimesh patën mundësi të njihen me impaktet e projektit dhe partnerët që do të përfshihen në këtë projekt, informacione mbi epokën U-Space dhe UAS (Unnamed Areal System) si dhe dëshmitë e bashkëpunimin ndërkufitar mes palëve të interesuara.
