Trajnim me stafin teknik të bashkisë Përmet - Autoriteti Shtetëror për Informacionin Gjeohapësinor

Vijojnë trajnimet për rritjen e kapaciteteve të stafeve teknike të bashkive të vendit nga ekspertët e Autoritetit Shtetëror për Informacionin Gjeohapësinor.

U zhvillua sot në ambientet e ASIG trajnim me stafin teknik të bashkisë Përmet, ku tematikat e trajtuara në këtë trajnim ishin:

Përdorimi dhe funksionalitetet e Gjeoportalit Kombëtar;
Mbledhja e të dhënave sipas temave të gjeoinformacionit për: Njësitë administrative dhe fshatrat në përbërje të tyre (rendi 4 dhe 5), Rrjeti i transportit rrugor lokal;
Prezantimi i produkteve të përftuara nga projekti i Shërbimit Satelitor.