Shqip
English
Trajnim me stafin teknik të Bashkive Korçë, Kolonjë dhe Maliq
Në kuadër të nismës së ndërmarrë nga ASIG me qëllim rritjen e kapaciteteve të stafeve teknike të njësive të qeverisjes vendore, ekspertë të ASIG zhvilluan sot trajnimin me stafet teknike të Bashkive Korçë, Kolonjë dhe Maliq.
Tematikat e trajtuara në këtë trajnim ishin:
- Njohja me funksionalitetet e Gjeoportalit Kombëtar;
- Mbledhja e të dhënave sipas temave të gjeoinformacionit për: Njësitë administrative dhe fshatrat në përbërje të tyre (rendi 4 dhe 5), Rrjeti i transportit rrugor lokal;
- Prezantimi i produkteve të përftuara nga projekti i Shërbimit Satelitor.
ASIG merr pjesë në Simpoziumin GGHS 2024
Përfaqësues të Autoriteti Shtetëror për Informacionin Gjeohapësinor (ASIG) të kryesuar nga Drejtori i Drejtorisë së Gjeodezisë dhe Hartografisë z. Kristaq Qirko, morën pjesë në Simpoziumin Ndërkombëtar të GGHS 2024 “Graviteti, Gjeoidi, Sistemet e Lartësive 2024”, të mbajtur në datat 4-6 Shtator 2024, në Selanik, Greqi pranë Qendrës së Shpërndarjes Kërkimore, të Universitetit Aristoteli të Selanikut (KEDEA).
Në këtë koferencë u prezantuan dhe u diskutuan nga autoritetet e ndryshme evropiane dhe ndërkombëtare tema mbi metodat dhe teknikat gjeodezike më të fundit mbi llogaritjen e Modeleve Gjeopoteciale Globale (GGM) dhe Referencave GjeodezikeVertikale Moderne.
Me rëndësi për përfaqësuesit e ASIG në këtë simpoziumin ishte prezantimi dhe diskutimi i projekteve të Kornizës Referuese Gjeodezike Shqiptare Moderne me ekspertët më të njohur evropianë dhe ndërkombëtarë në fushën e gjeodezisë së lartë, të cilët e vlerësuan dhe mbështetën implementimin e rrjeteve të Kornizës Referuese Gjeodezike Shqiptare si dhe objektivat e saj në të ardhmen mbi llogaritjen e Gjeoidit Gravimetrik, bazuar në standardet evropiane dhe ndërkombëtare.
Gjithashtu në këtë simpozium ishin pjesëmarrës dhe pedagogë të Departamentit të Gjeodezisë, pranë Fakultetit të Inxhinierisë së Ndërtimit (FIN), Universiteti Politeknik i Tiranës (UPT), të cilët prezantaun temat e tyre në funksion të qëllimit të përbashkët mbi krijimin e Referencës Gjeodezike Vertikale Moderne në Shqipëri.
Publikohet në Gjeoportalin Kombëtar paraqitja 3D e ndërtesave për zonat urbane të disa qyteteve
Autoriteti Shtetëror për Informacionin Gjeohapësinor (ASIG) në kuadër të projektit për zgjerimin e hartës bazë topografike 1:2 000, ka publikuar në Gjeoportalin Kombëtar paraqitjen 3D të ndërtesave për zonat urbane të qyteteve Belsh, Përmet, Rrogozhinë, Prrenjas, Peqin dhe Divjakë (fotografim i vitit 2015).
Me realizimin e paraqitjes 3D, ASIG ju vjen në ndihmë të gjithë të interesuarve për të eksploruar qytetet tashmë edhe në lartësinë e tyre si nga ana vizuale ashtu edhe për llogaritje e aplikime të ndryshme.
Vijon realizimi i fotografimit 360° të gjeoreferencuar të rrjetit rrugor kombëtar
Në vijim të nismë së ndërmarrë nga ASIG për krijimin e fotografive panoramike të gjeoreferencuara, të akseve rrugore kombëtare me teknologjinë e avancuar me kamera Street View 360°, dhe përditësimin e tyre të vazhdueshëm, ASIG ka realizuar fotografimin dhe publikimin në Gjeoportalin Kombëtar të aksit rrugor:
“Kozmaç-Koman-Pukë-Fushë Arrës-Ura e Qafës-Iballë-Blinisht”
Gjatësia e këtij aksi të mbuluar me fotografi 360 gradë është 177 km.
http://360.asig.gov.al/AlbaniaStreetView/player2/
Publikohet informacion gjeohapësinor për temën “Imazhi i Hartës Bazë”
Publikohet në Gjeoportalin Kombëtar Harta Bazë e shkallës 1:2000, në formatin Imazh (raster), zona me sipërfaqe140 km² ku përfshihen 113.5 km² zona Tiranë-Durrës (fotografimi i vitit 2018), si dhe Qytetet Belsh, Rrogozhinë, Prrenjas, Peqin dhe Divjakë (fotografimi i vitit 2015).
Në total gjendet e publikuar një sipërfaqe prej 520 Km2.
Të dhënat janë konform standardit me VKM-në nr. 952, datë 02.12.2020, për miratimin e dokumentit “Standardet Shtetërore për Specifikimet Teknike të Informacionit Gjeohapësinor në Shqipëri”.
Publikohet realizimi i fotografimit 360o të gjeoreferencuar të Tunelit të Llogarasë
Në vijim të nismës për krijimin e fotografive panoramike të gjeoreferencuara të akseve rrugore kombëtare me teknologjinë e avancuar, me kamera Street View 360°, dhe përditësimin e tyre të vazhdueshëm, ASIG ka realizuar fotografimin dhe publikimin në Gjeoportalin Kombëtar të aksit rrugor: “Orikum-Tuneli i Llogarasë -Dhërmi”.
Gjatësia e këtij aksi të mbuluar me fotografi 360 gradë është 56 km.
https://360.asig.gov.al/AlbaniaStreetView/player2/
Realizimi i fotografimit 360° të gjeoreferencuar të rrjetit rrugor kombëtar, aksi Thuman-Kashar
Menjëherë pas hapjes së aksit rrugor Thuman-Kashar, autosdrada e parë e kategorisë A në Shqipëri, ASIG realizoi realizoi fotografimin 3600 të këtij aksi, me qëllim përfshirjen e tij në fondin e akseve rrugore kombëtare të mbuluara me fotografi panoramike të gjeoreferencuara me teknologjinë e avancuar me kamera Street View 360°.
Aksi i mbuluar me fotografim ka një gjatësi prej 50 km (në të dy drejtimet) dhe është publikuar në Gjeoportalin Kombëtar të ASIG.
http://360.asig.gov.al/AlbaniaStreetView/player2/
Nënshkruhet marrëveshja ndërinstitucionale e bashkëpunimit mes ASIG dhe ASPA
U nënshkrua sot marrëveshja e bashkëpunimit ndërinstitucional mes Autoritetit Shtetëror për Informacionin Gjeohapësinor (ASIG) dhe Shkollës Shqiptare të Administratës Publike (ASPA).
Drejtuesit e këtyre dy institucioneve Znj. Vilma Tomço, Drejtor i Përgjithshëm i ASIG dhe Znj. Arlinda Hoti, Drejtor i Deleguar i ASPA nënshkruan në ambientet e ASIG këtë marrëveshje bashkëpunimi dy palëshe, e cila përfaqëson një hap thelbësor në rritjen e aftësive teknike në fushën e gjeoinformacionit brenda Administratës Publike të Shqipërisë.
Në sajë të këtij bashkëpunimi synohet;
- Ofrimi e programeve të përbashkëta të trajnimit, duke marrë parasysh ekspertizën e kombinuar të këtyre institucioneve;
- Zhvillimi i kurrikulave në fushën e gjeoinformacionit, për të përmbushur nevojat specifike të profesionistëve të Administratës Publike.
- Rritja e kapaciteteve, në sajë të organizimit të programeve të trajnimeve për të forcuar kompetencat e punonjësve të Administratës Publike në fushën e gjeoinformacionit.
Ky bashkëpunim i bazuar në kuadrin ligjor, siguron zbatimin efektiv dhe përfitimin reciprok për të dy institucionet. ASIG dhe ASPA janë të përkushtuar për të avancuar aftësitë e sektorit publik përmes zgjidhjeve inovative dhe të integruara të fushës së gjeoinformacionit.
Takim në kuadër të projektit mes AKMC dhe JICA
Drejtues të Autoritetit Shtetëror për Informacionin Gjeohapësinor (ASIG), të kryesuar nga Drejtori i Përgjithshëm, zhvilluan sot, në ambientet e Sallës Europa një takim informues me përfaqësuesit e Zyrës Rajonale të Agjencisë Japoneze të Bashkëpunimit Ndërkombëtar (JICA) dhe Agjencisë Kombëtarë të Mbrojtjes Civile (AKMC), në kuadër të projektit “Për ngritjen e kapaciteteve për Sistemin Kombëtar të Informacionit për Zjarret në Pyje (NFIS) dhe zgjidhje të bazuara në natyrë për Reduktimin e Rrezikut të Fatkeqësive (Nbs_DRR)”.
Gjatë kësaj vizite përfaqësuesit e Zyrës Rajonale të JICA të shoqëruar nga stafi i AKMC prezantuan ekipin bazë i cili do të angazhohet në zbatimin e këtij projekti, për tu njohur në këtë mënyrë me institucionet kryesore zbatuese të kësaj nisme, duke shënuar kështu dhe fillimin e aktiviteteve të projektit.
Trajnim me stafin teknik të Bashkive Dibër dhe Bulqizë
Mes stafeve teknike të Bashkive Dibër dhe Bulqizë në trajnimin e realizuar më 25 Qershor 2024, në mjediset e Bashkisë Dibër, me qëllim rritjen e kapaciteteve të tyre në përdorimin e produkteve të gjeoinformacionit.
Gjatë këtij trajnimi ekspertët e ASIG patën mundësi ti njihni të pranishmit më shumë me;
1. Funksionalitetet e Gjeoportalit Kombëtar;
2. Mbledhjen e të dhënave sipas temave të gjeoinformacionit për: Njësitë administrative dhe fshatrat në përbërje të tyre (rendi 4 dhe 5), Rrjeti i transportit rrugor lokal;
3. Prezantimin e produkteve të përftuara nga projekti i Shërbimit Satelitor.
