Shqip
English
Trajnim me stafet teknike të Bashkive Gjirokastër, Libohovë dhe Dropull
Vijojnë trajnimet për rritjen e kapaciteteve të stafeve teknike të bashkive të vendit nga ekspertët e Autoritetit Shtetëror për Informacionin Gjeohapësinor(ASIG). U zhvillua sot, në ambientet e Bashkisë Gjirokastër, trajnimi i radhës me pjesëmarrjen e stafeve teknike të bashkive Gjirokastër, Libohovë dhe Dropull nga:
- Drejtoria e Shërbimit Urban;
- Drejtoria e Administrimit të Ujërave, Pyjeve, Kullotave dhe Livadheve;
- Njësia e Integrimit Evropian, Koordinimit dhe Ndihmës së Huaj;
- Sektori i bujqësisë.
Trajnim me stafin teknik të Agjencisë së Trajtimit të Pronave
U zhvillua sot në ambientet e sallës Europa, nga ekspertët e Drejtorisë së GIS-it Kombëtar dhe Gjeoportalit pranë Autoritetit Shtetëror për Informacionin Gjeohapësinor (ASIG), trajnimi i dedikuar për përfaqësuesit e Agjencisë së Trajtimit të Pronave, mbi përdorimin e funksionaliteteve të Gjeoportalit Kombëtar.
Pjesëmarrësit në këtë trajnim morën njohuri mbi:
- Përdorimin e moduleve dhe funksionaliteteve të reja të sistemit të përmirësuar të Gjeoportalit Kombëtar;
- Përdorimin e shtresave bazë për krijimin dhe përditësimin e të dhënave gjeohapësinore nga aplikimet GIS, duke përdorur shërbimet e rrjetit të Gjeoportalit Kombëtar;
- Asistencën teknike për kërkesat specifike në lidhje me sistemet dhe të dhënat e gjeoinformacionit.
Trajnim me stafet teknike të bashkive Mat, Klos e Mirditë
U zhvillua sot në ambientet e bashkisë Mat trajnimi me stafet teknike të bashkive Mat, Klos dhe Mirditë. Ekspertët e ASIG patën mundësi ti ofronin të pranishmëve njohuri dhe informacion më të zgjeruar mbi:
- Funksionalitetet e Gjeoportalit Kombëtar;
- Mbledhjen e të dhënave sipas temave të gjeoinformacionit për: Njësitë administrative dhe fshatrat në përbërje të tyre (rendi 4 dhe 5), Rrjeti i transportit rrugor lokal;
- Produktet e përftuara nga projekti i Shërbimit Satelitor.
Nënshkruhet marrëveshja e bashkëpunimit mes ASIG dhe ASHK
U nënshkrua sot në ambientet e Autoritetit Shtetëror për Informacionin Gjeohapësinor (ASIG), marrëveshja e bashkëpunimit me Agjencinë Shtetërore të Kadastrës (ASHK).
Ky hap siguron shkëmbimin në kohë reale të të dhënave gjeohapësinore, jo vetëm për parcelat kadastrale dhe ndërtesat, por pjesë e hartave të cilat do të publikohen në Gjeoportalin Kombëtar do të jenë edhe parcelat pyjore e kullotat.
Një tjetër objektiv i rëndësishëm i kësaj marrëveshjeje është trajnimi sistematik i stafeve për të garantuar përdorimin efektiv të të dhënave gjeohapësinore. Përmirësimi dhe përditësimi i vazhdueshëm i të dhënave do të rrisë transparencën dhe aksesin për publikun e gjerë.
Trajnim me stafet teknike të Bashkive Pogradec dhe Prrenjas
Në vijim të nismës së ndërmarrë nga ASIG me qëllim rritjen e kapaciteteve të stafeve teknike të njësive të qeverisjes vendore, u zhvillua dje më 19.09.2024 trajnimi me stafet teknike të Bashkive Pogradec dhe Prrenjas.
Ekspertët e ASIG patën mundësi ti ofronin të pranishmëve njohuri dhe informacion më të zgjeruar mbi:
- Përdorimin dhe funksionalitetet e Gjeoportalit Kombëtar;
- Mbledhjen e të dhënave sipas temave të gjeoinformacionit për: Njësitë administrative dhe fshatrat në përbërje të tyre (rendi 4 dhe 5), Rrjeti i transportit rrugor lokal;
- Prezantimin e produkteve të përftuara nga projekti i Shërbimit Satelitor
Takim në kuadër të projektit mes AKMC dhe JICA
U zhvillua sot në ambientet e ASIG një takim pune në kuadër të projektit që po zhvillohet mes AKMC dhe JICA “Mbi Ndërtimin e Kapaciteteve për Sistemin Kombëtar të Informacionit për Zjarret në Pyje (NFFIS) dhe Zgjidhjeve të bazuara në Natyrë (NbS) për Zvogëlimin e Risqeve nga Fatkeqësitë (DRR)”.
Në këtë takim ishin të pranishëm Drejtori i Përgjithshëm i ASIG znj. Vilma Tomço, Drejtori i Drejtorisë së Përpunimit të të Dhënave Remote Sensing z. Dritan Prifti dhe ekspertët e JICA-ës Aknobu Sembo dhe Tomoyuki Ueda.
Fokus i këtij takimi ishin objektivat për vitin e parë të këtij projekti dhe kontributi i ASIG në realizimin e tyre, si dhe asistenca e drejtpërdrejtë në “Ndërtimin e Kapaciteteve për Sistemin Kombëtar të Informacionit për Zjarret në Pyje (NFFIS)”.
Trajnim me stafin teknik të Bashkisë Devoll dhe Pustec
Vijojnë trajnimet në kuadër të nismës së ndërmarrë nga ASIG me qëllim rritjen e kapaciteteve të stafeve teknike të njësive të qeverisjes vendore. Ekspertë të ASIG zhvillua dje më 18.09.2024 trajnimin me stafet teknike të Bashkive Devoll dhe Pustec.
Pjesëmarrës në këtë trajnim ishin punonjës teknik të;
- Drejtorisë së Bujqësisë, Mbrojtjes së Tokës dhe Konsumatorit,
- Drejtorisë së Mbrojtjes së Territorit dhe Mjedisit,
- Drejtorisë së Pyjeve dhe Mjedisit,
- Drejtorisë së Planifikimit të Territorit,
- Drejtorisë së Urbanistikës.
Takim mes Drejtorit të Përgjithshëm të ASIG dhe shkencëtares izraelite Dr. Shimrit Maman
Drejtori i Përgjithshëm i Autoritetit Shtetëror për Informacionin Gjeohapësinor (ASIG), znj. Vilma Tomço mirëpriti në një vizitë në ambientet e ASIG, Dr. Shimrit Maman, Shkencëtare dhe Drejtuese e Shërbimit të Imazheve Tokësore dhe Planetare, si dhe Drejtuese e UN-SPIDER Israel Regional Support Office e shoqëruar nga Sh. S. znj. Galit Peleg, Ambasadore e Izraelit në Shqipëri dhe Këshilltari për Ekonominë në Ambasadën e Izraelit z. Klajdi Heta.
Znj. Tomço e njohu znj. Maman me misionin dhe arritjet e ASIG në krijimin e Infrastrukturës Kombëtare të Informacionit Gjeohapësinor (NSDI), në Republikën e Shqipërisë. Të pranishmit patën mundësi gjithashtu të njihen me veprimtarinë e gjerë të dr. Maman si udhëheqëse e programeve të larmishme në arsim, programeve zhvillimore për shkencën si dhe përfshirjen e saj në ekipin kërkimor i cili ka udhëhequr nanosatelitin e parë Izraelit, lëshuar në hapësirë më 15 shkurt, 2017.
Gjatë këtij takimi u shkëmbyen ide mbi mundësi bashkëpunimi midis ASIG dhe institucioneve homologe në Izrael.
Trajnim me stafin teknik të Bashkive Korçë, Kolonjë dhe Maliq
Në kuadër të nismës së ndërmarrë nga ASIG me qëllim rritjen e kapaciteteve të stafeve teknike të njësive të qeverisjes vendore, ekspertë të ASIG zhvilluan sot trajnimin me stafet teknike të Bashkive Korçë, Kolonjë dhe Maliq.
Tematikat e trajtuara në këtë trajnim ishin:
- Njohja me funksionalitetet e Gjeoportalit Kombëtar;
- Mbledhja e të dhënave sipas temave të gjeoinformacionit për: Njësitë administrative dhe fshatrat në përbërje të tyre (rendi 4 dhe 5), Rrjeti i transportit rrugor lokal;
- Prezantimi i produkteve të përftuara nga projekti i Shërbimit Satelitor.
ASIG merr pjesë në Simpoziumin GGHS 2024
Përfaqësues të Autoriteti Shtetëror për Informacionin Gjeohapësinor (ASIG) të kryesuar nga Drejtori i Drejtorisë së Gjeodezisë dhe Hartografisë z. Kristaq Qirko, morën pjesë në Simpoziumin Ndërkombëtar të GGHS 2024 “Graviteti, Gjeoidi, Sistemet e Lartësive 2024”, të mbajtur në datat 4-6 Shtator 2024, në Selanik, Greqi pranë Qendrës së Shpërndarjes Kërkimore, të Universitetit Aristoteli të Selanikut (KEDEA).
Në këtë koferencë u prezantuan dhe u diskutuan nga autoritetet e ndryshme evropiane dhe ndërkombëtare tema mbi metodat dhe teknikat gjeodezike më të fundit mbi llogaritjen e Modeleve Gjeopoteciale Globale (GGM) dhe Referencave GjeodezikeVertikale Moderne.
Me rëndësi për përfaqësuesit e ASIG në këtë simpoziumin ishte prezantimi dhe diskutimi i projekteve të Kornizës Referuese Gjeodezike Shqiptare Moderne me ekspertët më të njohur evropianë dhe ndërkombëtarë në fushën e gjeodezisë së lartë, të cilët e vlerësuan dhe mbështetën implementimin e rrjeteve të Kornizës Referuese Gjeodezike Shqiptare si dhe objektivat e saj në të ardhmen mbi llogaritjen e Gjeoidit Gravimetrik, bazuar në standardet evropiane dhe ndërkombëtare.
Gjithashtu në këtë simpozium ishin pjesëmarrës dhe pedagogë të Departamentit të Gjeodezisë, pranë Fakultetit të Inxhinierisë së Ndërtimit (FIN), Universiteti Politeknik i Tiranës (UPT), të cilët prezantaun temat e tyre në funksion të qëllimit të përbashkët mbi krijimin e Referencës Gjeodezike Vertikale Moderne në Shqipëri.
