All posts by admin

Fotografimi ajror i terrenit është baza gjeografike në kuadër të krijimit të planeve të qëndrueshëm të zhvillimit, të rritjes ekonomike dhe përmirësimit të infrastrukturës sociale dhe standardit të jetesës. Për zbatimin e planeve të zhvillimit, studimin e fizibilitetit dhe projektet e detajuara, si dhe ruajtjen e mjedisit, informacioni i përditësuar gjeohapësinor është shtylla kryesore e këtij procesi.

Fotografimi Ajror Dixhital, i cili do të prodhohet nga projekti i financuar nga Qeveria Shqiptare në kuadër të projektit “Krijimi i infrastrukturës kombëtare të të dhënave hapësinore në Republikën e Shqipërisë”, do të jetë padyshim informacioni kryesor për krijimin e një harte të re të unifikuar të Republikës së Shqipërisë, e cila është domosdoshmëri për krijimin e informacionit topografik për shume institucione shqiptare si: Zyra e Regjistrimit të Pasurive të Paluajtshme, ALUIZNI, Agjensia e Kthimit dhe Kompesimit të Pronave, Agjencisë Kombëtare të Planifikimit të Territorit si dhe cdo njësi e qeverisjes vendore.

Produkti i marë nga ky fotografim ajror është me cilësori i aritur deri më tani në shqipëri dhe nga më të avancuarit në realizimet në nivel kombëtar, krahësuar me ekperiencat ndërkombëtare, pasi janë përdorur teknologji të avancuara si ‘LiDAR technologies’.

Përdorimi i kësaj teknologjie ka mundësuar prodhimin e një DTM dhe DSM kualitative, të rezolucioneve të larta të terenit (5 pika/m2 për zona urbane (sip.1028 km2); 2 pika /m2 në zona fushore (sip.10340km2) dhe deri në 1pike/m2 në zonat malore (Sip.17380km2), që më pas janë mbështetur për prodhimin e orotofotos cilësore sipas rezolucioneve të zonave të përcaktuara në specifikime teknike. Deri më tani është mbuluar 83% e teritorit me fotografim ajror.

Tashmë këto produke janë të aksesueshme per publikun dhe cdo subjekti të interesuar si shërbime nëpërmjet Gjeoportalit Kombëtar të ASIG

http://geoportal.asig.gov.al/InfoandServices.aspx?lang=AL

Twitter

Nga eventi i organizuar në kuadër të Javës së Inovacionit 2017 në ambientet e Universitetit “Polis” ku u prezantua Gjeoportali i Ri Kombëtar  i zhvilluar nga ASIG në përputhje me standardet europiane të direktivës INSPIRE, ku morën pjesë përfaqësues të Botës Akademike, përfaqësues të Instutucioneve Shtetërore si dhe përfaqësues të Subjekteve Private.

Hartat  Dixhitale janë  një instrument i rëndësishëm për të gjithë institucionet publike e private si dhe  ekspertët e fushës .Në këtë aktivitet  u diskutua mbi  përdorimin e Gjeoportalit Kombëtar dhe se si Universitetet po i përdorin të dhënat e këtij Gjeoportali duke krijuar hapësira të reja punësimi për të rinjtë.

Twitter

Nga mbledhja e Bordit për Informacionin Gjeohapësinor (BIG) në datë 09.03.2017 ku ASIG prezantoi disa dokumenta të rëndësishme që lidhen me Informacionin Gjeohapësinor në Shqipëri, u diskutuan dhe miratuan:

• Standartet Shtetërore për Specifikimet teknike të Informacionit Gjeohapësinor në Shqipëri :Tema ‘Rrjete e Transportit’.
• Standartet Shtetërore për Specifikimet teknike të Informacionit Gjeohapësinor në Shqipëri: Tema ‘Gjeologjia’.
• Rregullat uniforme për krijimin dhe administrimin e informacionit gjeohapësinor.

Gjithashtu u prezantua:

• Zhvillimi i projektit të Kadastrës Ujrave per temën ‘Hidrografia’
• Ecuria e mbledhjes dhe përpuniminit të të dhënave gjeohapësinore për temën ‘Emërtimet Gjeografike’.

Twitter

Autoriteti Shtetëror për Informacionin Gjeohapësinor (ASIG) nënshkroi më datë 25.01.2017 procesverbalin mbi dakortësinë e marrëveshjes së bashkëpunimit me JICA (Japan International Cooperation Agency) për projektin mbi “Informacionin Gjeohapësinor për zhvillimin e qëndrueshëm të territorit në zonën me intensitet të lartë zhvillimi Tiranë-Durrës”.
Ky projekt parashikon krijimin e hartave dixhitale në shkallë të mëdha për trekëndëshin ekonomik Tiranë-Vorë-Durrës sipas metodikave dhe standardeve bashkëkohore të përdorura në Japoni, si dhe transferimin e teknologjisë, ku përfshihen infrastruktura harduerë dhe softuerë, si dhe trajnimi i punonjësve të ASIG. Nga ky projekt përveç ASIG janë përfitues të gjitha autoritetet publike qendore dhe lokale të cilat kanë si bazë të aktiviteteve të tyre informacionin hartografik. 

Twitter

Znj. Milena Harito, Ministër Shteti për Inovacionin dhe Administratën Publike, vizitoi zyrat e ALUIZNI-it në Lezhë, ku vuri në dukje se përdorimi i Hartës Unike Dixhitale 

ka rritur numrin e lejeve të legalizimit.

Falë përdorimit të kesaj harte dhe investimeve të qeverisë, nga 1300 legalizime në 7 vjet që janë bërë  para vitit 2013,kanë arritur të bëhen mbi 4000 legalizime në 2 vjet.

Ajo evidentoi rëndësinë e dixhitalizimit të të dhënave shtetërore dhe hapjen e tyre për publikun në funksion të zhvillimit ekonomik dhe social të vendit, rëndësinë e hartës unike dixhitale në zgjidhjen e problemeve të akumuluara dhe shërbimeve të shpejta e cilësore ndaj qytetarit.

Z. Lorenc Çala, Drejtor i Përgjithshëm i Autoritetit Shtetëror për Informacionin Gjeohapësinor vuri në dukje rolin e  informacionit gjeohapësinor bazuar në standardet europiane dhe të përditësuar, për të ndihmuar qeverinë në vendimmarrje të drejta në funksion të publikut. Si dhe rolin e gjeoinformacionit në zgjidhjen e problemeve të akumuluara të Shtetit Shqiptar në fushën e pronësisë.

Twitter

Në mbledhjen e Bordit për Informacionin Gjeohapësinor (BIG) të datës 27.10.2016, ASIG prezantoi dy dokumenta të rëndësishëm që

lidhen me Informacionin Gjeohapësinor në Shqipëri. U diskutua dhe u miratua dokumenti: -Standardet Shtetërore për Specifikimet Teknike të Informacionit Gjeohapësinor në Shqipëri. Tema :Emërtimet gjeografike. Gjithashtu u diskutua dhe u miratua dokumenti: -Rregullat e Ndërveprueshmërisë së të Dhënave, Grupeve të të Dhënave dhe Shërbimeve Gjeohapësinore.

Twitter

Përshëndetje të gjithëve !

ASIG dëshiron të japë një lajmë të mirë për të gjithë komunitetin Gjeodezik.
Kanë filluar matjet gravimetrike absolute në Shqipëri.

Këto matje bëhen për herë të parë në vendin tonë dhe përbëjnë një hap të rëndësishëm dhe fundamental për shkencën aplikative të Gjeodezisë në Shqipëri.

Janë përzgjedhur tre stacione për të kryer këto matje në bashkëpunim me Inst. e Gjeoshkencave, Departamenti i Sizmikës, në stacionin e Shkodrës,Tiranës dhe Sarandës. Aktualisht kanë përfunduar matjet në Shkodër dhe përgatiten për të matur dhe dy të tjerat. Matjet po kryhen nga BEV Austri, me mbështetje financiare nga Qeveria Norvegjeze.
ASIG po koordinon të gjitha punimet si përfituese për palën shqiptare.

Për më shumë informacion do të mbetemi në kontakt.

Twitter

Në mbledhjen e Bordit të Informacionit Gjeohapësinor (BIG) të datës 21.07.2016

nën drejtimin e Ministres së Shtetit për Inovacion dhe Administraten Publike Znj.Milena Harito,

ASIG prezantoi një dokument të rëndësishëm mbi Standardet Shtetërore për Informacionin Gjeohapësinor në Shqipëri për temat:

• Sistemi i Adresave

Gjithashtu në mbledhje u prezantua dokumenti mbi “Mbledhjen dhe Përditesimin e të Dhënave Gjeohapësinore të Autoriteteve Publike”

Në këtë mbledhje u theksua, rëndësia që ka miratimi dhe implementimi i standardeve nga Autoritetet Shtetërore përgjegjëse dhe impakti që do të ketë në rritjen e cilësisë së prodhimit të informacionit gjeohapësinor.

Twitter

Me rastin e çeljes së javës së Inovacionit, u organizua në mjediset e Godinës së Inovacionit ceremonia  e përurimit të projektit “Innovation Hub”, në të cilin mori pjesë edhe Kryeministri SH.T.Z. Edi Rama.

Gjithashtu në këtë kuadër, Kryeministri vizitoi edhe ambientet e punës së Autoritetit Shtetëror për Informacionin Gjeohapësinor- ASIG, ku u njoh me arritjet e këtij institucioni në misionin e tij për Krijimin e Infrastrukturës Kombëtare të Informacionit Gjeohapësinor.

Twitter