English
Shqip
Praktikë mësimore në ASIG
Një grup studentësh të vitit të parë Master Profesional, profili Gjeomatikë, Fakulteti i Gjeologji Minierave të Universitetit Politeknik të Tiranës, zhvilluan dje një praktikë mësimore në ambientet e Autoritetit Shtetëror për Informacionin Gjeohapësinor (ASIG).
Ekspertët e Sektorit të Fotogrametrisë të ASIG i njohën studentët me teknologjinë që ASIG disponon për rilevimin fotogrametrik 3Dimensional, u shpjeguan atyre hapat që duhen të ndiqen për krijim e një projekti Fotogrametrik, teknikat e rilevimit Fotogrametrik 3 Dimensional dhe rilevimi me metodën Niveli 2 i detajeve (level of details 2, LOD2).
Takim mes ASIG dhe pedagogëve të Departamentit të Gjeodezisë
Në ambientet e sallës Europa u zhvillua një takim mes përfaqësuesve të Autoritetit Shtetëror për Informacionin Gjeohapësinor (ASIG) të kryesuar nga Drejtori i Përgjithshëm znj. Vilma Tomço dhe një grupi profesorësh të Departamentit të Gjeodezisë, në Fakultetin të Inxhinierisë së Ndërtimit, të Universitetit Politeknik të Tiranës, në funksion të realizimit të doktoraturave të cilat kanë të bëjnë me Referencat Gjeodezike Horizontale dhe Vertikale.
Gjatë këtij takimi u diskutua situata aktuale e rrjeteve përbërëse të KRGJSH-së si dhe njohja me realizimin për herë të parë në Republikën e Shqipërisë të llogaritjes së gjeodit gravimetrik “ALB-Geoid23.v1”.
Përfaqësuesit e ASIG shprehën gjithashtu gatishmërinë për bashkëpunimin e vazhdueshëm me kandidatët për doktorantë nga ky departament.
