English
Shqip
Vizitë e përfaqësuesve të Ministrisë së Bujqësisë të Landit të Bavarisë në ASIG
Një grup ekspertësh nga Ministria e Bujqësisë e Landit të Bavarisë bashkë me inxhinierët gjeodet të Organizatës për Digjitalizim dhe Rregullim të Territorit, në varësi të kësaj ministrie, zhvilluan sot nën drejtimin e Prof. Dr. Dhimitër Doka, nga Fakulteti i Historisë dhe Filologjisë, në Universitetin e Tiranës, një vizitë pranë Autoritetit Shtetëror për Informacionin Gjeohapësinor (ASIG).
Drejtori i Përgjithshëm i ASIG znj. Vilma Tomço i njohu vizitorët gjerman me hapat që ASIG ka ndërmarrë në krijimin dhe zhvillimin e NSDI në Shqipëri duke përmendur edhe disa prej arritjeve kryesore të ASIG në këto 10 vite punë të këtij institucioni.
Më pas z. Kristaq Qirko, Drejtor i Drejtorisë së Gjeodezisë dhe Hartografisë i ftoi vizitorët të ndjekin prezantimet e përgatitura nga ekspertët e ASIG me qëllim njohjen e tyre me arritjet e sektorëve të Kornizës Referuese Gjeodezike Shqiptare, (KRGJSH), Gjeoportalit Kombëtar, Përpunimin e të Dhënave Remote Sensing, Hartografisë dhe Fotogrametrisë të ASIG.
Në përfundim të kësaj vizite, drejtuesit e ASIG i ’u përgjigjën të gjitha pyetjeve dhe interesit të vizitorëve, të cilët patën mundësi të vizitojnë nga afër ambientet e ASIG dhe të njihen me teknologjitë me të cilat punon stafi i këtij institucioni.
Trajnim me stafin teknik të bashkisë Librazhd
U zhvillua ditën e premte më 07.06.2024, në ambientet e Bashkisë Librazhd, trajnimi me qëllim rritjen e kapaciteteve të stafeve teknike të kësaj bashkie, me fokus përdorimin e produkteve të gjeoinformacionit.
Në këtë trajnim morën pjesë përfaqësues nga:
- Drejtoria e Planifikimit dhe Zhvillimit të Territorit;
- Drejtoria e Menaxhimit dhe Administrimit të Pyjeve dhe Kullotave;
- Drejtoria e Bujqësisë dhe Ushqimit;
- Drejtoria e Sigurisë Publike.
ASIG merr pjesë në simpoziumin EUREF 2024
Përfaqësues të Autoriteti Shtetëror për Informacionin Gjeohapësinor (ASIG) nga Sektori i Kornizës Referuese Gjeodezike dhe Sektori i Infrastrukturës së Sistemeve CORS morën pjesë në Simpoziumin EUREF 2024 i cili u zhvillua në Barcelonë të Spanjës, në datat 5-7 Qershor 2024.
Në këtë konferencë u diskutuan tema me rëndësi të veçantë siç janë realizimi, mirëmbajtja dhe përdorimi i sistemeve evropiane ETRS89, EVRS dhe Rrjetit Permanent Evropian EPN si dhe mbështetja dhe rekomandimet e tyre mbi zhvillimin dhe mirëmbajtjen e Kornizave Referuese Gjeodezike Kombëtare.
ASIG si përfaqësues i Shqipërisë, një nga vendet e pllakës Euroaziatike, prezantoi në këtë simpozium statusin aktual dhe objektivat për të ardhmen lidhur me Rrjetet e KRGJSH-së, me fokus kryesor Gjeoidin Gravimetrik 2023v.1 dhe përmirësimin e tij në të ardhmen, në funksion të përcaktimit të Referencës Gjeodezike Vertikale në Shqipëri në përputhje me standardet EU (CRS-EU).
Trajnim me stafet teknike të Bashkive Gramsh dhe Peqin
U zhvillua sot në ambientet e bashkisë Gramsh trajnimi me stafet teknike të Bashkisë Gramsh dhe Bashkisë Peqin. Ekspertët e ASIG patën mundësi ti ofronin të pranishmëve njohuri dhe informacion më të zgjeruar mbi:
- Përdorimin dhe funksionalitetet e Gjeoportalit Kombëtar;
- Mbledhjen e të dhënave sipas temave të gjeoinformacionit për: Njësitë administrative dhe fshatrat në përbërje të tyre (rendi 4 dhe 5), Rrjeti i transportit rrugor lokal;
- Prezantimin e produkteve të përftuara nga projekti i Shërbimit Satelitor.
Trajnim me stafin teknik të Bashkisë Tiranë
Ekspertët e ASIG zhvillua sot seancën e dytë të trajnimit me stafet teknike të Bashkisë Tiranë me pjesëmarrje nga:
- Njësitë Administrative në përbërje të Bashkisë Tiranë;
- Drejtoria e Inovacionit, Zhvillimit dhe GIS-it;
- Drejtoria e Përgjithshme e Rrugëve dhe Ndriçimit Publik;
- Drejtoria e Përgjithshme e Investimeve të Punëve Publike;
- Drejtoria e Transportit dhe Trafikut Rrugor;
- Drejtoria e Objekteve në Bashkëpronësi dhe Fondit të Komuniteteve.
Të pranishmit gjatë këtij trajnimi patën mundësi të njihen më nga afër me:
1. Funksionalitetet e Gjeoportalit Kombëtar;
2. Mbledhjen e të dhënave sipas temave të gjeoinformacionit për: Njësitë administrative dhe fshatrat në përbërje të tyre (rendi 4 dhe 5), Rrjeti i transportit rrugor lokal;
3. Prezantimin e produkteve të përftuara nga projekti i Shërbimit Satelitor.
ASIG merr pjesë në konferencën hapëse të projekti “SOFTMOVE”
Autoriteti Shtetëror për Informacionin Gjeohapësinor (ASIG), i përfaqësuar nga Drejtori i Përgjithshëm i ASIG znj. Vilma Tomço dhe z. Dritan Prifti, Drejtor i Drejtorisë së Përpunimit të të Dhënave Remote Sensing, mori pjesë sot në konferencën e mbajtur me rastin e nisjes së projektit me tematikë: “U- Space dhe UAS: Mundësitë dhe sfidat për zonën IPA”, të mbajtur në Bari të Italisë.
Pjesë e ekipit pjesëmarrës në këtë konferencë nga Shqipëria ishin gjithashtu edhe RIC EIT Albania të përfaqësuar nga Dr. Leidi Moisiu dhe SKAITECH me drejtues z. Arbi Bamllari.
Projekti “SOFTMOVE” i cili bazohet në objektivat e programit Interreg IPA, synon të forcojë bashkëpunimin ndërkufitar, për një zhvillim të qëndrueshëm të territoreve të përfshira me synimin e para-anëtarësimit të Shqipërisë dhe Malit të Zi në Bashkimin Evropian.
Kjo konferencë ishte e organizuar në tre sesione kryesore ku të pranishmit mes prezantimesh dhe diskutimesh patën mundësi të njihen me impaktet e projektit dhe partnerët që do të përfshihen në këtë projekt, informacione mbi epokën U-Space dhe UAS (Unnamed Areal System) si dhe dëshmitë e bashkëpunimin ndërkufitar mes palëve të interesuara.
Trajnim me stafin teknik të bashkive Cërrik dhe Belsh
Në vijim të nismës së ndërmarrë nga Autoriteti Shtetëror për Informacionin Gjeohapësinor (ASIG) me qëllim rritjen e kapaciteteve të stafeve teknike të bashkive të vendit, u zhvillua dje më 📆 27.05.2024, trajnimi me stafet teknike të bashkive Cërrik dhe Belsh, me pjesëmarrje të përfaqësuesve nga:
- Drejtoria e Planifikimit, Kontrollit dhe Zhvillimit të Territorit;
- Drejtoria e Ndihmës Juridike dhe Zhvillimit të Territorit;
- Drejtoria e Bujqësisë, Pyjeve, Mjedisit dhe Pronave Publike.
Trajnim me përfaqësues të Agjencisë Kombëtare të Ujësjellës-Kanalizimeve
Ekspertë të ASIG nga sektorët e GIS-it Kombëtar, Sektori i Standardeve për Gjeoinformacionin dhe Sektori i Përpunimit të Imazherive Satelitore, ditën e premte më 24.05.2024, në ambientet e sallës Europa zhvilluan trajnimin për përdorimin e produkteve të gjeoinformacionit me përfaqësues të Agjencisë Kombëtare të Ujësjellës-Kanalizimeve.
Tematikat e trajtuara në këtë trajnim ishin si më poshtë:
- Njohje me funksionalitetet e Gjeoportalit Kombëtar;
- Mbledhja e të dhënave sipas temave të gjeoinformacionit;
- Prezantim mbi produktet e përfituara nga projekti i Shërbimit Satelitor.
Zhvillohet workshop-i me temë “Pricing and open data”
Në ambientet e Hotel, Butik Padam, u organizua në datat 23-24 Maj, në kuadër të projektit SPATIAL II, workshop-i me temë: “Pricing and open data”.
Në këtë workshop morën pjesë ekspertë të fushës së marketingut nga Autoriteti Holandez i Kadastrës, drejtues të projektit SPATIAL II si dhe përfaqësues nga të gjitha drejtoritë teknike të ASIG.
Fokusi i këtij workshop-i ishte ofrimi i njohurive të reja nga ekspertët holandez me qëllim organizimin e një marketingu sa më të plotë dhe cilësor të produkteve të ASIG.
Gjatë zhvillimit të këtij workshop-i përfaqësuesit e ASIG patën mundësi të njihen me praktikat më të mira të përcjella nga ekspertët holandez në fushën e marketingut të të dhënave dhe shërbimeve gjeohapësinore si dhe demonstrimin e drejtpërdrejt të shembujve konkret me produkte të ASIG.
Drejtori i Përgjithshëm i ASIG znj. Vilma Tomço ndoqi nga afër prezantimet e gjetjeve nga grupet e punës gjatë e këtij workshop-i, ku dhe përgëzoi ekspertët holandez dhe stafin e ASIG për rezultatet e arritura gjatë këtij workshop-i dy ditor.
Trajnim me stafet teknike të bashkive Vlorë dhe Selenicë
Më shumë njohuri për stafet teknike të Bashkive Vlorë dhe Selenicë përgjatë ditës së djeshme, në përdorimin e Gjeoportalit Kombëtar dhe aplikimeve GIS, në funksion të krijimit dhe publikimit të të dhënave gjeohapësinore në Gjeoportalin Kombëtar si dhe ofrimit të njohurive mbi produktet e përftuara nga projekti Shërbimi Satelitor.
Ekspertët e ASIG gjatë këtij trajnimi diskutuan me të pranishmit tematikat e lidhura me:
- Përdorimin e moduleve dhe funksionaliteteve të reja të sistemit të përmirësuar të Gjeoportalit Kombëtar si: moduli i editorit, moduli i gjeoreferimit, funksionalitetet e hartës, katalogu i metadatave, shërbimet e rrjetit, etj.
- Përdorimin e shtresave bazë për krijimin dhe përditësimin e të dhënave gjeohapësinore nga aplikimet GIS duke përdorur shërbimet e rrjetit të Gjeoportalit Kombëtar.
- Asistencën teknike të kërkesave specifike në lidhje me sistemet dhe të dhënat në fushën e gjeoinformacionit.
- Harmonizimin dhe standardizimin e të dhënave gjeohapësinore sipas temave të gjeoinformacionit.
