Në simpoziumin e organizuar nga nënkomisioni i Shoqatës Ndërkombëtare të Gjeodetëve për Europën “EUREF”, i cili u mbajt në Gothenburg të Suedisë, më 23-26 maj 2023, Autoriteti Shtetëror për Informacionin Gjeohapësinor (ASIG), u përfaqësua nga z. Oltjon Balliu, përgjegjës i sektorit të Kornizës Referuese Gjeodezike dhe z. Luçiano Kasneci specialist i këtij sektori. Qëllimi i këtij simpoziumi ishte mbulimi i aktiviteteve të EUREF të tilla si realizimi, mirëmbajtja dhe përdorimi i sistemeve europiane ETRS89, EVRS dhe Rrjetit Permanet Europian EPN si dhe mbështetja për vendet Ballkanit në zhvillimin e Kornizave Referuese Gjeodezike.